АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран хариҹи ишләр назиринин сийаси мүавини Сеййед Әббас Ирагчы мүхбирләрлә мүсаһибәдә әлавә едиб: Бүтүн үзвләр вурғуладылар ки, Иран нүвә анлашмасындан бәһрәләнмәдән бу бейнәлхалг анлашманы давам етдирмәк олмаз.
Ирагчы һәмчинин нүвә анлашмасы үзрә бирҝә комиссийанын иҹласы баша чатандан дәрһал һәйата кечирилән Атом Енержиси үзрә Бейнәлхалг Аҝентлийин йени баш директору Рафаел Груси илә илк ҝөрүшү барәдә дейиб ки, бу ҝөрүш олдугҹа файдалы олубдур.
Ирагчы дейиб: Атом Енержиси үзрә Бейнәлхалг Аҝентлийин йени баш директору бу ҝөрүшдә вурғулайыбдыр ки, бу бейнәлхалг органын Иранла сабиг һәмкарлыглары горунуб сахланмалыдыр.
Ирагчынын сөзләринә ҝөрә, һәмин ҝөрүшдә бәзи мәсәләләр вә һәлл йоллары әтрафында фикир мүбадиләси апарылыбдыр.
Иран хариҹи ишләр назиринин сийаси мүавини Сеййед Әббас Ирагчы вә Авропа Бирлийинин хариҹи ишләр вә тәһлүкәсизлик сийасәти үзрә аили нүмайәндәсинин мүавини Һелга Шмидт Вйанада кечирилән нүвә анлашмасы үзрә бирҝә комиссийанын 14-ҹү иҹласына бирҝә сәдрлик едибләр.
..........
340
7 dekabr 2019 - 10:42
Xəbər kodu: 991975
Иран хариҹи ишләр назиринин сийаси мүавини Вйанада нүвә анлашмасы үзрә бирҝә комиссийанын 14-ҹү иҹласы баша чатандан сонра дейиб ки, бу иҹласда бүтүн үзвләр Американын нүвә анлашмасында ҝәрҝинликләрин көкү олдуғуну тәсдиг едибләр.
