АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Русийанын мүдафиә назирлийинин ачыгламасында дейилир: Русийа өз сәрһәдләрини горумаг үчүн бир әдәд һәртәрәфли вә әһатәли бир радар мейданы йарадаҹаг.
О, әлавә едиб: Бу мейдан Круз ракетләринин, еләҹә дә учмагда олан тәййарәләрин атышларынын ашкар едилмәси вә изләнилмәси имканыны йарадаҹаг.
Һазырда Русийа хәбәрдарлыгедиҹи радар нөвләриндән истифадә едир. Бу системләр узаг мәсафәләрдән Русийанын һава мәканында һәр ҹүр баллистик ракет һүҹумларына нәзарәт едәрәк, онлары изләмәк гүдрәтинә маликдирләр. Бунунла белә, дейиләнләрә ҝөрә, Русийа ордусу 2020-ҹи иләдәк көһнә системләри “Воронеж” типли йени системләрлә әвәз етмәк ниййәтиндәдир.
Русийанын мүдафиә назирлийинин ачыгламасында сонра дейилир ки, йени радар мейданы “Контейнер” типли үфүгдән кәнар бир радар системинә шамил олаҹаг ки, илк дәфә олараг өтән базар ҝүнүндән әмәлиййат мәрһәләсинә кечибдир. Контейнер-ин сонракы системи Русийанын гүтб бөлҝәләрини өз чәтири алтына алаҹагдыр.
Бу системин әсас конструктору олан Михаил Петров билдириб ки, әкс сигналлары атмосферин ионосфер гатындан ҹәзб едән бу радар үч мин километрлик мәсафәдән стелс тәййарәләри танымаг габилиййәтинә маликдир. Бу систем һәмчинин ейни заманда атылан мин әдәддән чох мүхтәлиф әшйаны ашкар едәрәк, онларын арасындан ән мүһүм һәдәфләри айырараг, сечмәк габилиййәтинә маликдир.
...........
340
