АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Кәрбәла шәһәриндәки гәбилә вә тайфаларын башчылары Иранын Кәрбәладакы консуллуғунун башчылары илә ҝөрүшдә бу консуллуға һүҹуму писләйибләр.
Ирагын хариҹи ишләр назирлийи дә базар ертәси ҝүнү бир ачыгламада иғтишашчыларын Иран консуллуғуна гаршы һүҹумуну писләмишди.
Базар ҝүнү ҝеҹә Ирагдакы гарышыг игтисади дурум әлейһинә етиразларын чәтири алтында бир груп шәхс Иран Ислам Республикасынын Кәрбәладакы консуллуғуна һүҹум етди.
Намәлум һүҹумчулар сон бир нечә ҝүндә дәфәләрлә Ирагын мүхтәлиф шәһәрләриндә һөкумәт мәркәзләринә вә тәһлүкәсизлик гүввәләринә һүҹум едибләр.
Ираглы рәсмиләр билдирибләр ки, бу һүҹумлар фитнә төрәтмәк мәгсәдилә һәйата кечирилиб.
Бундан өнҹә дә бәзи Ираг рәсмиләри һәр нәдән артыг террорчу ИШИД групу илә мүбаризәдә өзүнү ҝөстәрмиш Иран вә Ирагын достҹасына вә стратежи мүнасибәтләрини позмаг үзрә ҝизли әлләрин сәйләри һаггында хәбәрдарлыг етмишдиләр.
Ирагын бәзи шәһәрләри, о ҹүмләдән Кәрбәла сон һәфтәләр үмуми хидмәтләрин йарытмаз дурумуна, мәшғуллуг фүрсәтләринин олмамасына вә коррупсийайа етираз олараг кечирилән аксийаларын шаһидидир. Амма бу етиразлар сон ҝүнләр зоракылыға чеврилиб вә онларла нәфәр өлүб вә йараланыбдыр.
Ирагда аксийалар елә бир һалда давам етмәкдәдир ки, бу өлкәнин һөкумәти өтән бир ай әрзиндә нүмайишчиләрин тәләбләринә йөнәлмиш дөрд пакет тәгдим едибдир.
Фактлар ҝөстәрир ки, Ирагдакы аксийалар тәбии олмайыб вә онларын формалашмасында әҹнәбиләрин ролу олубдур.
.........
340
