ABNA: Иранын Атом Енержиси Тәшкилаты бир мәлуматда билдириб: Өлкә президентинин вә Иран Али Милли Тәһлүкәсизлик Шурасынын ҝөстәришләринин иҹрасы истигамәтиндә бу ҝүн Атом Енержиси үзрә Бейнәлхалг Аҝентлийин нәзарәти алтында УФ6 – “Уран Һехафлуорид” газындан тәгдибән 2 мин килограма малик олан 2800 килолуг силиндр Нәтәнз зәнҝинләшдирмә комплексиндән Фордо зәнҝинләшдирмә комплексинә көчүрүлдүкдән сонра комплексин тәминетмә залында йерләшдирилди.
Иран Ислам Республикасы президенти Һәсән Руһани дүнән Иранын нүвә анлашмасы өһдәликләринин азалдылмасы үзрә 4-ҹү аддымынын атылмасыны елан едәрәк, деди: Нүвә анлашмасынын бүтүн тәрәфләри билмәлидирләр ки, Иран биртәрәфли сурәтдә бу анлашмайа садиг гала билмәз.
Руһани вурғулады: Иранын дөрдүнҹү аддымы да өнҹәки аддымлар кими ҝеридөнәсидир вә әҝәр нүвә анлашмасынын бүтүн тәрәфләри өз өһдәликләринә ҝери дөнәрләрсә, Иран Ислам Республикасы да өз өһдәликләрини иҹра едәҹәкдир.
Америка 2018-ҹи ил майын 8-дә биртәрәфли шәкилдә 2015-ҹи илдә имзаланмыш Иранын 5+1 өлкәләри илә нүвә анлашмасындан чыхды.
Теһран Американын биртәрәфли сурәтдә нүвә анлашмасындан чыхмасындан бир ил вә авропалыларын Американын Ирана гаршы санксийаларынын әвәзини чыхмаг саһәсиндәки вәдләринә әмәл етмәмәләриндән сонра өз нүвә анлашмасы өһдәликләрини етапларла азалтмаға башлады.
Иранын өһдәликләринин азалдылмасы 4-ҹү аддымдан өнҹәйәдәк уран зәнҝинләшдирилмәси фаизинин 3,67%-дән йухары галдырылмасы, зәнҝинләшдирилмиш уран еһтийатынын артырылмасы вә нүвә анлашмасындакы арашдырма вә инкишаф саһәсиндәки бүтүн өһдәликләринин дайандырылмасына шамил олубдур.
............
300
