АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Мәһәммәд Ҹавад Зәриф дүнән твиттер-дәки шәхси һесабында Сурийанын шималына гаршы һәрби һүҹум барәдә йазыб ки, бу өлкәйә һүҹум баша чатмалы, Адана разылашмасы әсас ҝөтүрүлмәли, һуманитар бейнәлхалг һүгуг нормаларына риайәт олунмалыдыр.
Түркийә Күрдүстаны Фәһлә Партийасы- ПКК-нын Сурийанын шималындакы сийаси, һәрби вә тәшкилати фәалиййәтләринин артмасы илә Түркийә вә Сурийа терроризмлә мүбаризәдә әмәкдашлыг һаггында "Адана Сазиши" имзаладылар.
Иран хариҹи ишләр назири Адана Сазиши чәрчивәсиндә бүтүн нараһатлыглары вурғулайараг әлавә едиб ки, мүлки вәтәндашлар вә йараглылар арасында фәрг гойулмалыдыр.
Түркийә ордусунун Сурийанын шималына һүҹуму, "терроризмлә мүбаризә" вә "Сурийа-Түркийә сәрһәдинин Анкаранын террорчу адландырдығы күрдләрдән тәмизләнмәси" бәһанәси илә чәршәнбә ҝүнү, октйабрын 9-да башлады вә инди дә давам етмәкдәдир.
Түркийәнин Сурийанын шимал бөлҝәләринә, о ҹүмләдән әл-Риггә вә әл-Һәсәкә шәһәрләринә һүҹуму ҝениш бейнәлхалг вә реҝионал гынагла үзләшибдир.
...........
340
