Ингилаб Рәһбәри:Һеч бир сәвиййәдә Америка илә мүзакирә апарылмайаҹаг

АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәзрәт Айәтуллаһулузма Хаменеи дини елмләр үзрә тәһсил мәркәзләриндә йени дәрс илинин башланғыҹында бу ҝүн “хариҹи фигһ” дәрсинин әввәлиндә америкалыларын мүзакирә һийләсиндә мәгсәдләрини өз истәкләрини гәбул етдирмәк вә Ирана максимум тәзйигин тәсирләринин исбаты адландырыблар. О һәзрәт дейибләр ки, максимум тәзйиг сийасәтинин Иран халгы гаршысында һеч бир дәйәри йохдур.

Ислам Ингилабынын Бөйүк Рәһбәри америкалы рәсмиләрин мүзакирә һагдакы фәргли мөвгеләринә тохунараг, әлавә едибләр: Бәзән дейирләр ки, өншәртсиз мүзакирә, бәзән дә дейирләр ки, 12 шәртлә мүзакирә. Бу кими сөзләр йа онларын гарышыг сийасәтләриндән ирәли ҝәлир, йа да ки, гаршы тәрәфи чаш-баш салмаг үзрә бир һийләдир. Әлбәттә, Иран Ислам Республикасы башыны итирмәйәҹәк, зира бизим йолумуз айдындыр вә нә етдийимизи билирик.

О һәзрәт белә гейд едибләр: Бу ҹүр мүзакирә үчүн онлар үчүн сүдлүк инәк кими әмәл едән кәсләрин сорағына ҝетмәлидирләр. Иран Ислам Республикасы мөминләрин республикасы, мүсәлманларын республикасы вә иззәт республикасыдыр.

Ислам Ингилабынын Бөйүк Рәһбәри сөйләйибләр: Әҝәр Америка өз сөзүнү ҝери ҝөтүрүб, төвбә едәр вә поздуғу нүвә анлашмасына гайыдарса, о заман анлашмайа үзв өлкәләрин иштирак едәрәк, Иранла сөһбәт етдикләри кими, Америка да онларын арасында иштирак едә биләр. Әкс тәгдирдә, нә Нйу-Јоркда, нә дә ки, һеч бир йердә, Иран Ислам Республикасынын мәсул шәхсләри илә америкалылар арасында һеч бир сәвиййәдә һеч бир мүзакирә баш тутмайаҹаг.

Һәзрәт Айәтуллаһулузма Хаменеи билдирибләр ки, өтән 40 ил әрзиндә Иран Ислам Республикасы мүхтәлиф һийләләрлә үзләшиб вә дүшмәнләр әзиз Ираны мәғлуб едә билмәйибләр. О, һәзрәт вурғулайыблар: Онларын сийасәтләри бир-биринин ардынҹа Иран Ислам Республикасынын сийасәтләринә мәғлуб олдулар вә бундан сонра да Иран Ислам Республикасы Аллаһ-Тааланын көмәклийи илә онлары мәғлуб едәҹәк вә мейдандан галиб вә башыуҹа чыхаҹагдыр.

......
340