(ABNA24.com) Иранын хариҹи ишләр назири Мәһәммәд Ҹавад Зәриф бу ҝүн Стокһолм Бейнәлхалг Сүлһ Арашдырмалары Институнда нүвә анлашмасында тәрәфләрин өһдәликләри вә үзвләрин һәр бири тәрәфиндән онларын иҹра олунмамасы барәдә һазырланмыш механизмләрә ишарә едәрәк, әлавә едиб: Америка бу анлашмадан өз хейринә олан бир васитә кими истифадә едә билмәз.
Зәриф Иранын нүвә анлашмасындакы өһдәликләрини азалтмаг үзрә үчүнҹү аддымына тохунараг, дейиб: Бу аддым мүтләг өнҹәки аддымлардан даһа мөһкәм олаҹагдыр.
О, Америка президенти Доналд Трампын прогнозедилмәз рәфтарына ишарә едәрәк, дейиб: Әҝәр сиз ҝөзләнилмәз ишләр ҝөрүрсүнүзсә, тәрәфләр дә ҝөзләнилмәз аддымлар атаҹаглар ки, бунлар сонда һәрҹ-мәрҹлийә ҝәтириб чыхараҹагдыр.
Иранын хариҹи ишләр назири Фарс Көрфәзиндә Америка вә Авропанын һәрби коалисийасынын иштиракына ишарә едәрәк, вурғулайыб: Онлар Иран ҝәмисини Ҹәбулуттаригдә мүсадирә едәҹәкләри вә Иран халгына гаршы игтисади мүһарибә салаҹаглары заманадәк Фарс Көрфәзиндә тәһлүкәсизлийи бәргәрар етмәйә гадир олмайаҹаглар.
Зәриф әлавә едиб: Иран Фарс Көрфәзи вә Оман дәнизиндә 1500 километрлик су сәрһәдинә маликдир вә һеч бир донанма вә орду бу бөлҝәдә тәһлүкәсизлийи бәргәрар едә билмәз.
О, сонра әрәбистан вә бәзи бөлҝә өлкәләри тәрәфиндән һәрби силаһ сатын алынмасынын артмасына ишарә едәрәк, билдириб ки, бөлҝәнин тәһлүкәсизлийи сатын алынасы дейилдир.
......
340
22 avqust 2019 - 07:55
Xəbər kodu: 970575
Иран хариҹи ишләр назири Иранын нүвә анлашмасындакы өһдәликләринә садиг галмасына ишарә едәрәк, дейиб: Авропалылар Американын бу анлашмадан чыхдығы замандан бәри һәлә өз өһдәликләринә әмәл етмәйибләр.
