(ABNA24.com) Иранын хариҹи ишләр назири Мәһәммәд Ҹавад Зәриф Исвечин хариҹи ишләр назири Маргот Валлсрөмлә ҝөрүшдән сонра Исвечин тиҹарәт назири, һәмчинин Иран-Исвеч бирҝә комиссийасынын мәсул шәхси Анн Линде илә ҝөрүшүб.
Гаршылыглы игтисади мүнасибәтләр, нүвә анлашмасы мәсәләси, ИНСТЕКС механизминин ишләмә тәрзи, һабелә бейнәлхалг олайлар Зәриф-Линде данышыгларынын предметләриндән олубдур.
Маргот Валлстрөм Иранын хариҹи ишләр назири илә ҝөрүшдән сонра мүхбирләрин гаршысына чыхыб. О, журналистләрин нүвә анлашмасынын хилас едилмәси еһтималы һагдакы суалынын ҹавабында дейиб: Авропалылар чох сәй ҝөстәрмәлидирләр ки, Иранла нүвә анлашмасында үзәрләринә дүшән пайы иҹра етдикләринә әмин олмуш олсунлар.
Валлстрөм әлавә едиб: Авропалылар нүвә анлашмасынын горунуб сахланылмасы, еләҹә дә өз нүвә анлашмасы өһдәликләрини йеринә йетирмәк үчүн йоллар тапмалыдырлар.
Иран өз нүвә анлашмасы өһдәликләрини азалтмаға давам едәҹәйини вурғулайараг, билдирибдир ки, бу анлашмадакы шәрикләрин өз өһдәликләринин иҹрасы истигамәтиндә лазыми аддымлары атаҹаглары тәгдирдә, һәмин просес ҝеридөнәсидир.
Американын нүвә анлашмасындан чыхмасындан сонра авропалыларын мүзакирәләр ҝедишиндә Ирана вердикләри вәдләрдән бири, һәлә дә һәйата кечирилмәмиш ИНСТЕКС механизмидир.
........
340
