(ABNA24.com) ИШИД террор групу бир бәйанатда Кабил террор партлайышынын мәсулиййәтини үзәринә ҝөтүрәрәк, билдириб ки, бу групун үзвләриндән бири йанындакы бомбалары той мәрасиминдә партладыбдыр.
Әфганыстан дахили ишләр назирлийинин билдирдийинә ҝөрә, бу өлкәнин пайтахты Каблидә баш вермиш партлайыш нәтиҹәсиндә 63 нәфәр өлүб, 182 нәфәр дә йараланыбдыр.
Әфганыстан президенти бу партлайыша реаксийада Әфганыстанын тәһлүкәсизлик гүввәләриндән истәйибдир ки, ҝүнаһсыз әһалинин ганынын интигамыны ҹинайәткар террорчулардан алсынлар.
Әфганыстанын мүхтәлиф мәнтәгәләри, о ҹүмләдән пайтахт Кабил сон айлар террор һүҹумлары вә партлайышларынын артмасынын шаһиди олублар.
Әфганыстанда террор групларынын фәатлиййәтләринин вә әмин-амансызлыгларын артмасы елә бир һалдадыр ки, Америка вә мүттәфигләри Әфганыстанда терроризмлә мүбаризә вә тәһлүкәсизлийи тәмин етмәк бәһанәсилә 2001-ҹи илдән бу өлкәдә иштирак едирләр.
Иран Ислам Республикасы, Алманийа, Түркийә вә Италаийанын Әфганыстандакы сәфирликләри, Иран вә Пакистанын хариҹи ишләр назирликләри, Бейнәлхалг Амнистийа Тәшкилаты вә Авропа Бирлийинин Кабилдәки нүмйәндәлик офиси дүнән бәйанатлар йайараг, Кабил шәһәринин гәрбиндә бир той мәрасиминдә баш вермиш террор партлайышыны писләйәйибләр.
Иран Ислам Республикасынын Хариҹи Ишләр Назирлийи Әфганыстанын һөкумәти вә халгынын кәдәри илә бөлүшәрәк, бу ҹүр ҹинайәтләрин амилләрини Әфганыстан вә бөлҝәдә сүлһ, тәһлүкәсизлик, сабитлик вә инсанлығын дүшмәнләри адландырыбдыр.
.......
340
