(ABNA24.com) Иран Силаһлы Гүввәләринин Баш Гәрарҝаһ рәиси, ҝенерал-майор пасдар Моһәммәд Багери бу ҝүн Теһранда мүдафиә назирлийинин авиасийа сәнайеси тәшкилатында олараг, иранлы мүтәхәссисләрин мүдафиә сәнайесини инкишаф етдирмәк үзрә ҹиһади һәрәкәтләрини "Биз едә биләрик" шүарынын реаллашмасынын бариз нүмунәси адландырыб вә белә әлавә едиб: Бу башыуҹалыг ҝәтирән йол бир нечә садә деталын дүзәлдилмәсиндән башланды вә бу ҝүн дүнйанын модерн вертолйотлар вә тәййарә мүһәррикләринин дүзәлдилмәсинә дахил олмагдадыр.
Ҝенерал-майор Багери сөйләйиб: Ираны санксийа илә үзләшдирән бир дүнйада өнләйиҹилийин вә мүдафиә гүдрәтинин йарадылмасы, йерли арашдырма вә ҝәнҹ алимләрә сөйкәнмәкдән, һәмчинин тәҹһизатларын өлкә дахилиндә там шәкилдә истеһсалындан башга йолла мүмкүн олмайаҹагдыр.
Иран Силаһлы Гүввәләринин Баш Гәрарҝаһ рәиси һәмчинин тәҹавүзкар американ модерн пилотсуз тәййарәсинин 60 футлуг бир һүндүрлүкдә Иран системи илә вурулуб салынмасыны олдугҹа мәналы вә бөйүк бир аддым адландырыб вә белә дейиб: Бу дәйәрли аддым дүнйа халгларынын, һәтта һава һүҹумундан мүдафиә саһәсиндә өнҹүл олан өлкәләрин һейрәти вә тәәҹҹүбүнә сәбәб олубдур.
АБШ-ын "Ҝлобал Һаwк" ҹасус пилотсуз тәййарәси ийунун 20-дә Иран Ислам Республикасынын өлкә әразисинә тәҹавүз етдикдән сонра Ислам Ингилабы Кешикчиләри Корпусунун һава гүввәләри тәрәфиндән мәһв едилди.
......
340
