(ABNA24.com) Сеййед Әббас Ирагчы бу ҝөрүшдә Иран-Индонезийа мүнасибәтләринин һәртәрәфли шәкилдә ҝенишләнмәсини алгышлайараг, Иран Ислам Республикасынын мүдафиә сийасәтини ачыглайыб. Билдириб ки, Иранын мүдафиә баҹарыгларынын ҝүҹләндирилмәси өнләйиҹилик ҹәһәтинә малик олараг, һеч бир диҝәр өлкәйә гаршы дейилдир.
Ирагчы Иранын динҹ нүвә програмы вә Американын әсассыз иддиаларына да тохунуб: Ислам Ингилабынын Бөйүк Рәһбәринин фитвасына ҝөрә, Иран һәр ҹүр күтләви гырғын силаһындан истифадәни һарам биләрәк, рәдд едир, амма өз алимләринин баҹарығы илә нүвә технолоҝийасыны йерли сурәтдә вә бир динҹ програм формасында ҝенишләндирәҹәкдир.
Ирагчы Американын Ирана гаршы залымҹасына санксийаларына да тохунуб. О, гейд едииб ки, бу санксийалар ганунсуздур вә инсанлыға зидд маһиййәт дашыйыр, амма Иран ону милли игтисадиййатда дәйишиклик үчүн бир фүрсәтә чевирмәк әзминдәдир.
Индонезийа парламентинин хариҹи сийасәт, тәһлүкәсизлик вә мүдафиә комиссийасынын сәдри Әбдулхәрис әл-Мәшһәри дә бу ҝөрүшдә иранлыларын өзүнәинамлары вә истиглалларыны йүксәк дәйәрләндирәрәк, ики өлкә арасында парламент әмәкдашлыгларынын дәринләшдирилмәсини вурғулайыб вә өлкәсинин терроризм вә екстремизм илә мүбаризә дахил олмагла бүтүн саһәләрдә Иранла һәмкарлыға һазыр олдуғуну билдириб.
.......
340
