(ABNA24.com) Ислам Ингилабынын Бөйүк Рәһбәри дүнән ахшам бу ҝөрүшдә Јәмән халгынын сәудлар, БӘӘ-чиләр вә онларын һимайәдарларынын вәһшиҹәсинә вә ҝениш тәҹавүзләри гаршысындакы ҹиһади руһиййәси, сайыглығы, мүгавимәти вә иманыны йүксәк гиймәтләндирәрәк, вурғулайыблар: Јәмәндәки дини әгидәләрә вә мүхтәлиф гөвмләрә әсасән, бу өлкәнин бирлийинин горунмасы йәмәнли-йәмәнли диалогларыны тәләб едир.
Һәзрәт Айәтуллаһулузма Хаменеи әлавә едибләр: Јәмән халгы өз дәрин вә тарихи сивилазисийасы илә вә бу беш илдә ҝөстәрдийи мүбаризә вә мүгавимәт әһвал-руһиййәси илә йахшы ҝәләҹәйә маликдир; ҝүҹлү һөкумәт йарадаҹаг вә һәмин һөкумәт чәрчивәсиндә инкишафа наил олаҹагдыр.
О һәзрәт Иран Ислам Республикасы гурулушунун анти-Америка вә анти-Гәрб мөвгеләринә ишарә едәрәк, вурғулайыблар: Бу мөвге тәәссүбә әсасланмыр. Бу мөвге инсан, вәтәндаш вә әхлаг заһири илә ән пис ҹинайәтләр төрәдән Америка вә Гәрб дөвләт башчыларынын фәалиййәтләринә вә ҝерчәкликләрә әсасланыр.
Ислам Ингилабынын Бөйүк Рәһбәри һәмчинин Гәрб дүнйасынын Јәмән вә Фәләстиндә баш верән ҹинайәтләр гаршысындакы лагейдликләрини мүасир дүнйанын ҝерчәкликләринин бир нүмунәси адландырыблар.
Һәзрәт Айәтуллаһулузма Хаменеи һәмчинин Јәмәнин мөмин вә мүгавимәтли гадын вә кишиләринин мүбаризәләринә дәстәк верәрәк, әлавә едибләр: Бу ҹинайәткар гүдәрләрлә иман вә мүгавимәт гүдрәти илә, һәмчинин илаһи йардыма сөйкәнмәклә гаршылашмаг олар вә йеҝанә йол, будур.
Бу ҝөрүшүн әввәлиндә Јәмәнин Әнсаруллаһ һәрәкатынын сөзчүсү Муһәммәд Әбдуссәлам бу һәрәкатын рәһбәри Сеййид Әбдулмәлик Бәдрәддинин Һәзрәт Айәтуллаһулузма Хаменеийә үнванланмыш мәһктубуну тәгдим едәрәк, дейиб: Сон дәрәҹә чәтин вәзиййәтдә олан Јәмән халгы бош әл, амма иман вә мүгавимәтлә он йедди өлкәнин тәҹавүзү гаршысында дайаныбдыр.
Әбдуссәлам әлавә едиб: Сизә сөз веририк ки, Јәмән халгы мүттәфиг вә ваһид мөвгедән чыхыш едәрәк, өзүнүн тәҹавүз вә зүлм гаршысындакы мүгавимәтини там гәләбәйәдәк давам етдирәҹәкдир.
......
340
