Руһани: Иран данышыглар ады илә тәслимчилик масасы архасына кечмәйәҹәкдир

(ABNA24.com) Һәсән Руһани сонра вурғулайыб ки, Иран Ислам Республикасы бүтүн хариҹи тәзйигләрә рәғмән, гулдурлуглара тәслим олмайаҹаг.

О, дейиб: Иран Американын нүвә анлашмасындан чыхмасындан сонра гаршы тәрәфләрә бир ил фүрсәт верди ки, өз нүвә анлашмасы өһдәликләринә әмәл едә билсинләр, амма һазырда Ирана гаршы нефт санксийасы вә йени шәраитлә Иран Ислам Республикасы өз нүвә анлашмасы өһдәликләрини азалтмаг барәдә гәти гәрарлар чыхарыбдыр.

Иран президенти өз өһдәликләрини йеринә йетирмәләри үчүн Иран тәрәфиндән нүвә анлашмасында галмыш тәрәфләрә верилмиш 60 ҝүнлүк фүрсәтләрә ишарә едиб вә белә гейд едиб: Әҝәр икинҹи 60 ҝүнлүк фүрсәт дә баша чатар вә гаршы тәрәфләр бир иш ҝөрмәзләрсә, Иран мүтләг үчүнҹү аддымы атаҹагдыр.

О, Фарс Көрфәзи, Оман дәнизи вә Һөрмүз боғазынын тәһлүкәсизлийини Иран үчүн олдугҹа өнәмли адландырыб вә белә сөйләйиб: Иран Фарс Көрфәзи вә Һөрмүз боғазынын тәһлүкәсизлийинин горунмасынын кәнарында дүнйанын диҝәр су йоллары, о ҹүмләдән Бабүл-Мәндәб боғазы вә Һинд Океанынын тәһлүкәсизлийи үчүн дә сәй ҝөстәрир.

Руһани Фарс Көрфәзи вә Һөрмүз боғазынын тәһлүкәсизлийинин горунмасынын мәсулиййәтинин Иранын вә гоншу өлкәләрин үзәринә дүшдүйүнү билдириб.

О, дейиб: Ислам Ингилабы Кешикчиләри Корпусу- Сепаһ-ын Һөрмүз боғазында Инҝилтәрәнин ганунпозан ҝәмисини мүсадирә етмәк үзрә аддымы дүзҝүн аддым иди вә бүтүн дүнйа Фарс Көрфәзинин тәһлүкәсизлийини тәмин етдийи үчүн Сепаһ-а тәшәккүр етмәлидир.

Иран президенти һәмчинин вурғулайыб ки, Иран Ислам Республикасы һеч вахт ҝәрҝинлик вә тоггушма ардынҹа олмайыбдыр.

О, дейиб: Иран бир өлкәнин Фарс Көрфәзи вә Һөрмүз боғазында әмин-амансызлыг йаратмасына иҹазә вермәйәҹәк вә Иранын бу бөлҝәдәки аддымлары индийәдәк гаршы тәрәфин ганун позунтулары илә мүтәнасиб олубдур.

......
340