(ABNA24.com) Дүнйа мүсәлманларынын мәнәви лидери Һәзрәт Айәтуллаһ Үзма Сеййид Әли Һүсейни Хаменеинин Һиндистандакы нүмайәндәси Һөҹҹәтул-Ислам вәл-мүслимин Меһди Меһдипур Ислам өлкәләринин Һәҹҹ мәсәләләриндә һәмфикр олмагларынын зәрурилийинә ишарә едәрәк вурғулады: Әрәбистан Һәҹҹ мәрасиминин даһа йахшы кечирилмәси үчүн диҝәр Ислам өлкәләри илә дә мүшавирә етмәли вә мәсләһәтләшмәлидир.
Һөҹҹәтул-Ислам вәл-мүслимин Меһди Меһдипур кечән һәфтә (10 Ийул 2019) Һиндистанын Бомбей шәһәриндә кечирилән Һәҹҹ иҹласы барәдә ИГНА илә мүсаһибәсиндә деди: Һәҹҹ елми иҹласы Иран Ислам Республикасынын Мәдәниййәт Әлагәләри Идарәсинин тәшәббүсү вә Шиә вә Әһли-Сүннәнин танынмыш вә нүфузлу алимләринин, о ҹүмләдән Һиндистан Алимләри Шурасынын катиби Мәһмуд Дәрйабади, йазычы вә алим Әбдүлвәһид Фәййази, дини китаблар мүәллифи Мүмтаз Әәзәми, Гуран тәфсирчиси вә ҹамаат имамы Ризвануллаһ Сиддиги, Хуҹә мәсҹидинин ҹамаат имамы Әһмәд Әли Абиди, Һәзрәт Зәһра (с) мәсҹидинин ҹамаат имамы Фәййаз Багир, Ислам елмләри мүәллими вә мүәллиф Һүсейн Кәрарәви, Ислами елмләр устады Фәрман Әли Мусәви вә Керила әйаләти мәсҹидинин ҹамаат имамы Әскәри Кериланын иштиракы илә кечирилди.
О әлавә етди: Үч саат давам едән иҹласда Һәҹҹин фәлсәфәси, Һәҹҹ конгресинин мүсәлманларын бирлийиндә ролу, Һәҹҹин мүсәлманларын проблемләринин һәллиндә тәсири вә Һәҹҹ мәрасиминин мүдириййәт едилмәси кими мөвзулар мүзакирә едилди.
Меһдипур деди: Мүсәлман алимләри билдирдиләр ки, һазырда Һәҹҹ мәрасиминин кечирилмәсиндә бир сыра проблемләр мөвҹуддур. Али-Сәуд бу мүгәддәс мәканларын идарә ишләри үчүн вәкилдир, Мәккә вә Мәдинәнин саһиби вә малики дейил. Буна ҝөрә дә Һәҹҹ айинләринин кечирилмәсиндә диҝәр Ислами өлкәләр илә һәмрәйлик етмәли вә онларын да мәсләһәтләрини динләмәлидир.
Һәзрәт Айәтуллаһ Үзма Сеййид Әли Һүсейни Хаменеинин Һиндистандакы нүмайәндәси вурғулады: Һәҹҹ мәрасиминин кечирилмәсинин идарәчилийи Али-Сәудун әлиндәдир. Бу мәсәлә дә һаҹылар үчүн бир сыра проблемләрин йаранмасына сәбәб олуб. Буна ҝөрә дә Сәудиййә Һәҹҹ айинләринин иҹарынын тәшкили үчүн диҝәр мүсәлман өлкәләри илә һәмкарлыг етмәлидир. Чүнки Һәҹҹ мәрасими тәкҹә фәрди ибадәт дейил, бүтүн мүсәлманларын сийаси вә сосиал мәсәләләринә сых бағлы бир айиндир.
О әлавә етди: Дүнйанын һәр йериндән үч милйон мүсәлманын топлашдығы бу мәрасимдән сәмәрәли истифадә едилмәли, мүсәлманлар Ислам дүнйасында баш верән дәйишикликләрдән вә бир-биринин дәрдиндән вә Ислам дүнйасынын проблемләринин һәлли йолларындан аҝаһ едилмәлидирләр. Һабелә бу мәрасимдән онларын бирлийи вә һәмрәйлийини мөһкәмләндирмәк үчүн истифадә едилмәлидир.
Дүнйа мүсәлманларынын мәнәви лидери Һәзрәт Айәтуллаһ Үзма Сеййид Әли Һүсейни Хаменеинин Һиндистандакы нүмайәндәси Һөҹҹәтул-Ислам вәл-мүслимин Меһди Меһдипур Һәҹҹин мәнәви дәйәрләриндән, мүсәлманларын дүнйа либасыны сойунараг һамынын ахирәт либасы ҝейинмәси вә бүтүн тәбәгәләрин ейниләшдирилмәси вә үрәкләрин бир-биринә йахынлашмасындан данышараг деди: Һәҹҹ шейтанлар илә мүбаризәнин символудур вә мәнтиги дейил ки, мүсәлманлар Мина чөлүндә Шейтанын һейкәлини дашласынлар, амма бөйүк Шейтан олан Американын гаршысында баш әйсинләр вә хар олсунлар.
.......
340
