(ABNA24.com) Ислам Ингилабынын Бөйүк Рәһбәри вурғулайыблар ки, ”әсрин сөвдәләшмәси” адлы план һеч вахт нәтиҹәйә чатмайаҹаг. О һәзрәт бу плана гаршы чыхдыгларыны елан етмиш әрәб өлкәләринә, һәмчинин фәләстинли груплара тәшәккүр едибләр.
Ислам Ингилабынын Бөйүк Рәһбәри Һәзрәт Айәтуллаһулузма Хаменеи бу ҝүн Теһранда Имам Хомейни(р.ә.) адына мүсәллада кечирилән сәадәтли фитир байрамы намазынын хүтбәләриндә бу бөйүк байрам мүнасибәтилә Ислам Үммәтини вә Иран халгыны тәбрик едәрәк, Фәләстин мәсәләсини вә Американын ”әсрин сөвдәләшмәси” ады алтындакы хаинҹәсинә планыны Ислам Дүнйасынын биринҹи дәрәҹәли мәсәләләриндән адландырыб вә белә гейд едибләр: Бәһрейн вә Әрәбистан кими бәзи ислами өлкәләрин хәйанәтләри белә бир хәбисҹәсинә плана зәмин йарадыбдыр.
Һәзрәт Айәтуллаһулузма Хаменеи Бәһрейнин ”әсрин сөвдәләшмәси” адлы план үзрә игтиади иҹласа ев саһиблийи етмәсинә тохунараг, дейибләр: Бу иҹлас америкалылара аиддир, амма Бәһрейн һөкмранлары өзләринин анти-Ислам вә анти-халг руһиййәләри, һәмчинин зәифлик вә аҹизликләри илә бу иҹласа ев саһиблийи едәрәк, ону тәмин едибләр. Бәһрейн вә сәуд һөкмранлары билмәлидирләр ки, һансы бир батаглыға гәдәм гойублар.
Ислам Ингилабынын Бөйүк Рәһбәри һәмчинин әзәмәтли Гүдс ҝүнү йүрүшүндәки иштиракына ҝөрә, Иран халгына сәмими гәлбдән тәшәккүр едәрәк, дейибләр: Халгын бу бөйүк һәрәкәтдә ҝүҹлү вә мөһкәм иштиракы Иран халгынын дүшмәнләринин ирадәләриндә вә дүнйа сийасәтләриндә олдугҹа тәсирлидир вә онларын һесабламаларына хәләл ҝәтирир.
Һәзрәт Айәтуллаһулузма Хаменеи Иранда ҝенишләнмәкдә олан вә мүбарәк рамазан айында да диггәтәлайиг олмуш халг йардымлары дахил олмагла мүбарәк ислами адәт-әнәнәләрин бәзиләринә ишарә едәрәк буйурублар: Мәсҹидләр, һүсейниййәләр вә үмуми мәканларда садә ифтар сүфрәләринин тәшкилинә көмәк үзрә ҝүнү-ҝүндән артан халг тәмайүлү, һәмчинин халгын селдәнзәрәрчәкәнләрә Рамазан йардымы, бу хейирхаһ вә хәлги һәрәкәтләрдәндир.
.................
300
