(АБНА24.ҹом) Гурани-Кәрим инсанын тарихини вә һәмчинин ҝәләҹәйини ортайа гойур. Буна ҝөрә дә Гуран саһәсиндә ҝөрүлән һәр бир иш бәшәриййәтин мәнәви инкишафына вә камилләшмәсинә хидмәт едир.
вердийи хәбәрә ҝөрә, Иран Ислам Республикасынын 27-ҹи бейнәлхалг Гурани-Кәрим сәрҝисинин бейнәлхалг бөлмәси дүнән (13 Май 2019) ҝүнүн икинҹи йарысында Теһранын Имам Хомейни (р.ә) мүсәлласында фәалиййәтә башлайыб.
Иран Ислам Республикасынын 27-ҹи бейнәлхалг Гурани-Кәрим сәрҝисинин бейнәлхалг бөлмәсинин ачылыш мәрасиминдә ИИР-нын гадынларын иши үзрә президент мүавини Мәсумә Ибтикар, Пакистанын Ирандакы сәфири Рүфәт Мәсуд, Ирагын Теһрандакы мәдәниййәт әлагәләри идарәсинин рәиси Јасир ӘбдүзЗәһра, Ислами Мәзһәбләрин Јахынлашмасы Тәшкилатынын (ТӘГРИБ) Али Шурасынын рәиси Айәтуллаһ Мәһәммәд Әли Тәсхири вә Һиндистан, Бәһрейн, Пакистан, Малазийа, Тунис, Фәләстин, Таҹикистан, Јәмән, Ниҝерийа, Азәрбайҹан, Әфганыстан, Фил Диши Саһили вә Ирагын нүмайәндәләри иштирак едибләр.
Ислами Мәзһәбләрин Јахынлашмасы Тәшкилатынын (ТӘГРИБ) Али Шурасынын рәиси вә Дүнйа Мүсәлманларынын Лидери Һәзрәт Айәтуллаһ Үзма Сеййид Әли Һүсейни Хаменеинин Ислам Дүнйасы Мәсәләләри Үзрә Мүшавири Айәтуллаһ Мәһәммәд Әли Тәсхири мәрасимдә чыхыш едәрәк дейиб: Пак фитрәт инсана һәйат ҹизҝиләрини ҝөстәрир вә Гурани-Кәримин еҹазкарлыгларынын да бири дә инсанын фитрәти илә уйғун олмасыдыр. Гурани-Кәрим инсанын пак фитрәтини вә виҹданын дәринликләрини ачыглайыр, ону тәрәннүм едир вә бәшәриййәтә инсанын һәйат йолуну ҝөстәрир.
О әлавә едиб: Гурани-Кәрим инсанын тарихини вә һәмчинин ҝәләҹәйини ортайа гойур. Буна ҝөрә дә Гуран саһәсиндә ҝөрүлән һәр бир иш бәшәриййәтин мәнәви инкишафына вә камилләшмәсинә хидмәт едир.
Айәтулла Тәсхири вурғулады: Гуран ҝәрәк бизим дилимиз, ҝөзүмүз вә гулағымыз олсун вә бизә рәһбәрлик етсин. Биз инсанын проблемләрини арашдырмалы, мүхтәлиф рәйләри өйрәнмәли вә сонра суалларымызы Гурандан сорушмалыйыг. Гуранын ҹавабларыны дәгиг өйрәндикдән сонра бәшәриййәтин проблемләрини һәлл едә биләрик.
16 may 2019 - 10:40
Xəbər kodu: 941903
Гурани-Кәрим инсанын тарихини вә һәмчинин ҝәләҹәйини ортайа гойур. Буна ҝөрә дә Гуран саһәсиндә ҝөрүлән һәр бир иш бәшәриййәтин мәнәви инкишафына вә камилләшмәсинә хидмәт едир.
