Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, "Реутерс" аҝентлијинин әмәкдашы Ирагын пајтахты Бағдадда Русафа гадын һәбсханасында олуб.
Гондарма "Ислам Дөвләти "(ИШИД) адлы террорчу груплашмасына бағлы гадын вә ушагларын талеји мүзакирә олунанда бу һәбсхана диггәт мәркәзинә ҝәлир.
"Нә олар, евимизә ҝетмәк истәјирәм, бизә көмәк един. Бурасы бизим үчүн јахшы јер дејил",– азәрбајҹанлы бир гыз мүхбирә дил төкүб. Журналист гызын 100-дәк ушағын әһатәсиндә данышдығыны јазыр.
"Бизә палтар, дәрман ҝәтирмисән? Доғрудан, бизә дәрман лазымдыр", – мави һиҹаблы азәрбајҹанлы гыз дејиб.
Һәбсхана директору һәмин гызын анасынын өмүрлүк һәбсә мәһкум едилдијини дејир, о, ИШИД-ә үзв олуб, Ирага ганунсуз ҝедиб. Гыз исә јашы чатмадығындан Ираг ганунлары илә мүһакимә олуна билмәз. Онун дәмир бармаглылар архасында нә гәдәр галаҹағы билинмир.
Гејд едәк ки, Азәрбајҹан Ирагда ән чох вәтәндашы һәбс олунмуш өлкәләрдәндир, бу сырада Русија вә Түркијә дә вар. Анҹаг аҝентлик Азәрбајҹанын ХИН-дән ИШИД-ә бағлы ушагларын репатриасија сијасәтинә даир шәрһ ала билмәдијини јазыр.
Хатырладаг ки, АБШ, сионист режим вә Авропа Иттифагынын дәстәкәдији "ИШИД" террор груплашмасы 2014-ҹү илдә Сурија вә Ирагда бөјүк әразиләр әлә кечириб, күтләви гәтлләр, ишҝәнҹә, ҹинси көләлик ҝерчәкләшдириб. Ады һалланан ҹинајәтләрдә азәрбајҹанлы вәһһабиләрин ролу әбәссиз олуб.
Диггәт: Хәбәрдән истифадә етдикдә мәнбәјә истинад лазымдыр
