Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, АБШ президенти Доналд Трамп президентлик дөврүндә кечирдији 827 ҝүн әрзиндә 10 мин дәфәдән чох јалан вә ја инсанлары чашгынлыға салан бәјанат сәсләндириб.
Һесабламаны (26 апреләкими) Тһе Wаshington Pоst гәзети апарыб.
Нәшрин јаздығына ҝөрә, Ағ Ев рәһбәри беш минлик “нишан”ы һакимијјәтинин 601-ҹи ҝүнүндә кечиб, 226 ҝүн сонра исә јалан вә чашгынлыға салан бәјанатларынын сајы 10 мини өтүб.
“Јалан темпи”нин сүрәтлә артмасы Трампын сон вахтлар сечкиләрлә әлагәдар кечирдији чохсајлы митингләрлә, һәмчинин шатдаун (малијјәләшмәнин дајанмасына ҝөрә дөвләт структурларынын фәалијјәтини дајандырмасы) вә хүсуси прокурор Роберт Мүллерин “Русијанын 2016-ҹы ил президент сечкиләринә иддиа олунан мүдахиләси” илә бағлы һазырладығы һесабатла әлагәли олуб.
Нәшр һәмчинин јалан бәјанатларын бир чохунун Мексика дивары илә бағлы олдуғуну јазыр.
Диггәт: Хәбәрдән истифадә етдикдә мәнбәјә истинад лазымдыр
