Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Силаһлы Гүввәләринин Баш Гәрарҝаһ рәиси тәһдид едәрәк дејиб: "Әҝәр Иран нефти Һөрмүз боғазындан кечмәзсә, диҝәр өлкәләрин нефти дә бу боғаздан кечмәјәҹәкдир!"
Иран Силаһлы Гүввәләринин Баш Гәрарҝаһ рәиси ҝенерал-мајор Моһәммәд Багери бу ҝүн Иранын һүгуг-муһафизә гүввәләринин мүдирләри, рәисләри вә команданларынын 23-ҹү үмумөлкә конфрансынын кәнарында әлавә едиб: "Иран ҝәмиләри дә диҝәр өлкәләрин ҝәмиләри кими Һөрмүз боғазындан кечирләр, амма әҝәр бир кәс бу боғазы тәһлүкәли етмәк истәјәрсә, мүтләг Иран онунла ҹидди рәфтар едәҹәкдир."
Ҝенерал-мајор Багери вурғулајыб: "Дүшмәнин һәрәкәтләри мәҹбур етмәзсә, Иран Һөрмүз боғазыны бағламаг нијјәтиндә дејилдир."
Иран Силаһлы Гүввәләринин Баш Гәрарҝаһ рәиси әлавә едиб: "Америкалы ҝәмиләр Ислам Ингилабы Кешикчиләри Корпусунун Һөрмүз боғазы барәдәки суалларына ҹаваб вермәјә борҹлудурлар вә онлар билирләр ки, бу боғазын тәһлүкәсизлији кимин үзәринә дүшүр."
Диггәт: Хәбәрдән истифадә етдикдә мәнбәјә истинад лазымдыр
