Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн, 1440-ҹы һиҹри гәмәри или шәбан ајынын 11-и, милади тарихи илә 17 апрел 2019-ҹу ил, Аллаһ Тәаланын јер үзәриндә тәјин етдији үчүнҹү Хәлифәси, Имам Һүсејнин (әлејһи сәлам) өвлады һәзрәт Әли Әкбәрин (әлејһи сәлам) мөвлуду ҝүнүнүн илдөнүмүдүр.
Һәзрәт Әли Әкбәр (әлејһи сәлам) 33-ҹү һиҹри гәмәри или шәбан ајынын 11-дә Мәдинәдә дүнјаја ҝәлиб. Онун һөрмәтли валидејни дүнја шиәләринин үчүнҹү имамы һәзрәт Һүсејн ибн Әли (әлејһимә сәлам), анасы исә Лејла бинти Әби Мурраһ (сәламуллаһи әлејһа) олубдур.
Имам Һүсејн (әлејһи сәлам) оғлу Әли Әкбәри физики гурлушунда, әхлаг вә мәнәви хүсусијјәтләриндә, данышыг вә иҹтимаи рәфтарларында Бөјүк Ислам Пејғәмбәринә (сәлләллаһу әлејһи вә алиһ) бәнзәдәрди.
Һәзрәт Әли Әкбәр (әлејһи сәлам) 61-ҹи һиҹри гәмәри или мәһәррәм ајынын онунда Ашура һадисәсиндә мөһтәрәм атасы вә о һәзрәтин садиг көмәкчиләри илә јанашы шәһид олду вә Имам Һүсејнин (әлејһи сәлам) кәнарында Кәрбәлада дәфн едилди.
Гејд едәк ки, һәзрәт Әли Әкбәрин (әлејһи сәлам) мөвлуду ҝүнү Иран Ислам Республикасы тәгвиминдә ҝәнҹләр ҝүнү адландырылыбдыр.
Биз АБНА олараг һәзрәт Әли Әкбәр (ә)-ын мөвлуду ҝүнүнүн илдөнүмү мүнасибәтилә бүтүн дүнја мүсәлманларыны, хүсусән шиәләри тәбрик едир.
Диггәт: Хәбәрдән истифадә етдикдә мәнбәјә истинад лазымдыр
