Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн Теһранда Иран вә Гәрби Асија үзрә "Иран-Пресс" адлы илк бејнәлхалг тәсвирли хәбәр аҝентлији ачылыб.
Бејнәлхалг "Иран-Пресс" хәбәр аҝентлији өтән илдән ЕУТЕЛСАТ 21Б сүни пејкиндән 11520 тезлији илә суткалыг формада өз сынаг сүни пејк јајымына башлајыб вә ҹанлы шәкилдә сонунҹу хәбәр тәсвирләрини, һәмчинин истеһсал олунмуш репортажларыны мүраҹиәт едәнләрин ихтијарына гојурду.
"Иран-Пресс" хәбәр аҝентлији өз фәалијјәтини инҝилис вә әрәб дилли вебсајт илә, һәмчинин Facebook, Twitter, İnstagram, YouTube, еләҹә дә WhatsApp, Telegram вә Soruş мессенҝерләри васитәсилә ҝенишләндирә билибдир.
Иран вә Гәрби Асијада илк дәфә олараг фәалијјәтә башлајан "Иран-Пресс" хәбәр аҝентлијинин фәргләндириҹи ҹәһәти, бүтүн Ирандан, еләҹә дә реҝион өлкәләриндән өзүнүн хас мүштәриләринә, јәни мүһүм бејнәлхалг медиалара, хәбәр аҝентликләринә вә хәбәр каналларына хәбәр тәсвирләрини тәгдим етмәк үчүн Директ (Direct) хәттиндән истифадә етмәсидир.
Диггәт: Хәбәрдән истифадә етдикдә мәнбәјә истинад лазымдыр
