Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Франса режими тәрәфиндән Сары Жилетлиләринин аксијаларынын гадаған едилмәсинә бахмајараг бир нечә ҝүндән сонра “сары жилет”лиләр ҹәрәјаны формалашмасынын бешинҹи ајыны гејд едәҹәк. Бу ҝүнләр Франса күчәләриндә етираз аксијаларында иштирак едәнләрин сајы бир гәдәр аз нәзәрә ҝәлсә дә, статистик мәлуматлара ҝөрә, Франса халгынын тәгрибән јарысы бу ҹәрәјаны дәстәкләјир.
Франсада “сары жилет”лиләрин аксијасы кими мәшһурлашан капитализм әлејһинә етираз аксијалары артыг 5-ҹи ајдыр ки, давам едир. Индијә кими бу етираз аксијаларында 10 нәфәр һәлак олуб, 13 мин нәфәр исә јараланыб вә ја һәбс олунуб.
Франса вәтәндашы: “Илк башда бу аксијалар Франса һөкумәтинин јанлыш сијасәтләриндән гајнагланан игтисади вә мәишәт проблемләринә етираз характери дашыјырды. Һазырда исә, бир анти-капитализм ҹәрәјанына чеврилиб вә садәҹә мөвҹуд системин дәјишмәсини истәјир.” Амма, һөкумәт дә өтән беш ајда олдуғу кими ҝеријә аддым атмајараг, дәмир јумруг илә мәсәләни бир гәдәр дә мүрәккәбләшдириб.
Франса вәтәндашы: “Мәсәлә чох садәдир. Биз тәбәгәләр арасындакы фасиләнин азалмасыны вә капитализм гурулушунун јығышдырылмасыны истәјирик. Бу гәдәр садә бир мәсәләни дәрк етмәк үчүн “милли диалог”а еһтијаҹ јохдур.”
Франсызлар һәфтә сону тәтилләрини әјләнҹәли кечирмәк үчүн кредит алырлар. Бу бир аддәтдир. Амма, 22 һәфтәдир ки, бу әјләнҹәләрин јерини күчә иғтишашлары әвәз едиб.
Франса вәтәндашы: “Биз өз јолумуздан дөнмәјәҹәјик. Ҝери аддым атмајаҹағыг. Референдумун кечирилмәси чох чәтин мәсәлә дејил. Биз әдаләт истәјирик. Амма, Макрон бизи баша дүшмәк истәмир.”
Етираз аксијаларынын давам етдији 150 ҝүндә Франса һөкумәти дә әлини-әлинин үстүнә гојараг, сакит отурмајыб. Наразы күтләдән башга һәр кәси динләјиб.
Франса вәтәндашы: “Һөкумәт бизи динләмир. Садәҹә ири ширкәтләр вә сәрмајә саһибләринин мәнафејини тәмин етмәклә мәшғулдур. Халг јени бир сијаси систем истәјир. Биз өз мүбаризәмизи давам етдирәҹәјик.”
Франса халгы тәрәфиндән “ҹәллад” адландырылан дахили ишләр назири исә үмуми фикри тәсир алтына алан јени сирләри ифша едиб. Ҹари илин әввәлиндән 26 полис интиһар едиб.
Диггәт: Хәбәрдән истифадә етдикдә мәнбәјә истинад лазымдыр
