Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүмдүнја Мүсәлманларынын Али Лидери һәзрәт Ајәтуллаһ Сејјид Әли Хаменеинин Иранын Али Милли Тәһлүкәсизлик Шурасындакы нүмајәндәси Сәид Ҹәлили ҹүмә ахшамы Иран Ислам Республикасынын икинҹи телеканалына вердији мүсаһибәдә дејиб: "Һерошима вә Нагасаки әлејһинә атом бомбасындан истифадә, Вјетнам мүһарибәси, Исраилин ҹинајәтләринә дәстәк, Ираг вә Әфганыстана һүҹум, ИШИД-ин формалашдырылмасы вә бунун кими онларла диҝәр ҹинајәт АБШ-ын дүнја халгларына гаршы һәјата кечиртдији ҹинајәтләридир."
Имам Хаменеи ҹәнабларынын Али Милли Тәһлүкәсизлик Шурасындакы нүмајәндәси Америка тәрәфиндән Сепаһ-ын адынын террорчу груплар сијаһысына дахил етмәсинә реаксија олараг дејиб: "Америкалылар сәһвә јол верәрләрсә, онларын Асијанын гәрбиндәки террорчу һәрби гүввәләри "CENTCOM" ИШИД-ин талејинә дүчар олаҹаглар."
АБШ-ын Асијанын гәрбиндәки уғурсуз сијасәтләринә ишарә едән Сәид Ҹәлили дејиб: "Америкалылар өтән 40 илдә Иран гаршысында ағыр мәғлубијјәтләр илә үзләшибләр. Елә буна ҝөрә дә Иран халгы вә Сепаһ-ын әлиндән гәзәблидирләр."
Ҹәлили АБШ-ын дүнја халгларына гаршы ҹинајәтләринә ишарә едәрәк, билдириб: "Иран өзү терроризмин ән бөјүк гурбаныдыр. Террорчу мүнафигләр груплашмасы Иранда 17 миндән чох инсаны террор вә шәһид едиб вә һазырда бу террорчу груплашма АБШ-ын бирбаша һимајәси алтындадыр."
Диггәт: Хәбәрдән истифадә етдикдә мәнбәјә истинад лазымдыр
