Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹанда бир груп сијаси вә иҹтимаи фәал бир иҹлас тәшкил едәрәк, Иранда селдән зәрәр чәкәнләрин кәдәрини бөлүшүб, АБШ тәрәфиндән Ирана гаршы биртәрәфли санксијаларын тәтбиг едилмәсни гынајыблар.
ИРИБ-нин вердији мәлумата ҝөрә, Азәрбајҹаннын "Гәләм" јазарлар бирлијинин тәшәббүсү илә кечирилән бу иҹласда чыхыш едәнләр АБШ-ын Иран Ислам Республикасына гаршы санксијаларыны һабелә, Иранда селдән зәрәр чәкмиш инсанлара јардымларын чатдырылмасына мане олмасыны тәнгид едәрәк, АБШ-ын бу агрессив сијасәтләринә гаршы бејнәлхалг етираз сәсинин јүксәлдилмәсини истәјибләр.
Бу иҹласда чыхыш едәнләр һәмчинин, Иран Ислам Республикасы вә Азәрбајҹан Республикасы арасындакы ортаглыглара, ики өлкә халгынын хош вә чәтин ҝүнләрдә даим бир-биринин кәнарында олмасына ишарә едәрәк, дүшмәнләрин сәјләринә рәғмән өтән илләрдә ики өлкә арасында әлагәләрин инкишаф етмәсини алгышлајыб, мүнасибәтләрин даһа да мөһкәмләндирилмәсини истәјибләр. Иҹлас иштиракчылары һәмчинин, Гәрбин терроризм илә икили рәфтар етмәсини гынајараг, АБШ-ын фитнә сијасәти гаршысында мүгавимәт вә мүбаризәјә тәкид едибләр.
Диггәт: Хәбәрдән истифадә етдикдә мәнбәјә истинад лазымдыр
