Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Фәләстин торпагларыны ишғал едәрәк бурада јарадылан гондарма Исраил режиминин Мәркәзи Сечки Комиссијасы парламент сечкиләринин илкин нәтиҹәләрини ачыглајыб.
Бу барәдә гондарма гурумун рәсми сајтында мәлумат дәрҹ олунуб.
Мәлумата ҝөрә, сәсләрин 96 фаизинин һесабланмасындан сонра Исраил баш назири Бенјамин Нетанјаһунун һаким “Ликуд” партијасы мүхалифәтин “Кахол-Лаван” мәркәзчи блокуну ҹүзи фәрглә үстәләјир.
Нетанјаһунун партијасы беләҹә Кнессетдә 37 мандат газаныб. Бенни Гансын (Беннј Ҝантз) башчылыг етдији мүхалифәт блоку исә 36 депутатла парламентдә тәмсил олунаҹаг.
Бундан әввәл јајылан екзит-пол нәтиҹәләри исә Гансын гәләбә чалаҹағы еһтималларыны артырмышды. Илкин нәтиҹәләр ачыгланмаздан әввәл һәр ики партија лидери тәрәфдарлары гаршысында өз гәләбәләрини елан етмишди.
Диггәт: Хәбәрдән истифадә етдикдә мәнбәјә истинад лазымдыр
