Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүдүнја Мүсәлманларынын Али Лидери Ајәтуллаһул-үзма Сејид Әли Хаменеи Һәзрәт Имам Һүсејнин (ә) мөвлуду мүнасибәтилә Ингилаб Кешикчиләринин (СЕПАҺ) үзвләри илә аиләләрини гәбул едиб.
Имам Хаменеи бу ҝөрүшдә етдији чыхышында, америкалыларын СЕПАҺ-а олан дүшмәнчиликләринин сәбәбинә ишарә едәрәк, белә данышыб: “Онларын әдавәтинин сәбәби бу гүввәләрин өлкә илә Ислам Ингилабыны мүдафиә етдији үчүндүр. АБШ илә ҹаһил дүшмәнләр гырх ил әрзиндә әлләриндән ҝәлән һәр шеји етди, лакин һеч бир гәләт едә билмәдиләр”.
Ингилаб Кешикчиләрини дүшмәнә гаршы ҹәбһәдәки ролуну тәгдир едән Имам Хаменеи ҹәнаблары белә данышыб: “Ингилаб Кешикчиләри һәм сәрһәд бөлҝәсиндә һәм дә сәрһәдләримиздән минләрлә километр мәсафәдәки Һәзрәт Зејнәбин (с.ә) мүгәддәс түрбәсини мүһафизә едәрәк, дүшмәнә гаршы ҹәбһәдә үстүнлүјә маликдирләр. Һәмчинин сијаси саһәдә дә дүшмәнлә мүбаризә едирләр”.
Үмүмдүнја Мүсәлманларынын Али Рәһбәри Ајәтуллаһул-үзма Сејид Әли Хаменеи бу әсаслар үчүн АБШ-ын СЕПАҺ-а дүшмәнчилик етдијини билдириб: “Америкалылар Ингилаб Кешикчиләринә (әслиндә Иран илә Ислами Ингилабына) гаршы (чиркин) план һазырладыгларыны ҝүман едирләр. Әлбәттә ки, бу чиркин әмәлләрлә бир нәтиҹәјә чата билмәјәҹәкләр. Онлар бу һијләләрлә өзләрини алдадырлар. Америкада Ислам Республикасынын дүшмәнләри олан һакимијјәтдәки Трамп илә әтрафындакы ахмаглар енишә тәрәф ирәлиләјирләр”.
“Иран Ислам Республикасына гаршы гырх иллик һијләләрә бахмајараг, ингилабын ирәлиләмәси, америкалыларын Иран милләтинин һәрәкәтини дајандырмаг мәсәләсиндә ҝүҹсүз олдуғуна ишарә едир”, - дејән Али Дини Рәһбәр, бунлары гејд едиб: “Иранын дүшмәнләри 40 ил бојунҹа милләтә гаршы һәр ҹүр сијаси вә игтисади тәзјиг илә гара пиарла мәшғул олдулар, онлар һәтта Ислам Республикасынын гәләбәсинин илк ҝүнләриндә дә һеч бир гәләт едә билмәдиләр”.
Иранын реҝиондакы ҝүҹлү мөвгејинә ишарә едән Али Дини Рәһбәр Ајәтуллаһул-үзма Сејид Әли Хаменеи, белә давам едиб: “Дүшмәнләрин һиссләринин әксинә, Иранын буҝүнкү ҝүҹүнүн көкүндә атом бомбасы јатмыр. Биз әввәлдән атом бомбасынын дини ганунларымыза зидд олдуғуну вә она еһтијаҹ дујмадығымызы вурғуладыг. Бу сәбәбдән Иран халгынын Ислам дүнјасындакы буҝүнкү ҝүҹү, халгын мүгавимәтиндән әлдә едилиб”.
Диггәт: Хәбәрдән истифадә етдикдә мәнбәјә истинад лазымдыр
9 aprel 2019 - 13:43
Xəbər kodu: 936232
Имам Хаменеи: “Америкалылар Ингилаб Кешикчиләринә (әслиндә Иран илә Ислами Ингилабына) гаршы (чиркин) план һазырладыгларыны ҝүман едирләр. Әлбәттә ки, бу чиркин әмәлләрлә бир нәтиҹәјә чата билмәјәҹәкләр. Онлар бу һијләләрлә өзләрини алдадырлар. Америкада Ислам Республикасынын дүшмәнләри олан һакимијјәтдәки Трамп илә әтрафындакы ахмаглар енишә тәрәф ирәлиләјирләр”.
