Әһли Бејт (әлејһимус-сәлам) - АБНА – Хәбәр Аҝентлији: Имам Һүсејн (ә) бујурур: “Зијадын оғлу – бу накәс мәндән истәјир ки, икисиндән бирини сечим: ја зилләтә бојун әјим вә ја да гылынҹа. Бизим “һејһат минназ-зилләт”имиз һара, зилләтә бојун әјмәјимиз һара? Аллаһ разы олмаз зилләтә бојун әјәк”. Имам (ә) бу нурани кәламлары илә билдирмәк истәјир ки, нәинки шәхси һиссләри белә дејир, Һәзрәтин (ә) кечдији мәктәб она бу иҹазәни вермир. Јәни, она бу иҹазәни нә Аллаһ верир, нә Пејғәмбәр (с) верир, нә Имам Әли (ә) верир, нә дә Һәзрәт Фатимә (с.ә) верир.
Она ҝөрә дә Имам (ә) бујурур: “Иззәтлә өлмәк, зилләтлә јашамагдан даһа јахшыдыр”.
Имам (ә) демир ки, ҝедәк вә ибн Зијада бојун әјәк, сонра нә олурса-олсун. Имам (ә) бујурур ки, һеч бир заман зилләтә бојун әјмәз, бу, истәјир ибн Зијад (лән) олсун, истәрсә дә Језид (лән).
Һүрр Имамла (ә) ҝөрүшәндән сонра ону Куфәјә тәрәф апармаг истәјир, анҹаг Имам (ә) имтина едир. Чүнки зилләтә бојун әјмәк истәмир. Һүрр Имамы (ә) Куфәдә һәбс етмәк истәјирди. Имам (ә) она бујурур ки, мән ҝәлмәрәм.
Нәһајәт елә бир јол сечирләр ки, нә Куфәјә ҝедир, нә дә Мәдинәјә. Она ҝөрә дә сечдикләри јер Кәрбәла олур. Имам (ә) бүтүн јол боју сәһабәләринә моизә охујур вә шеир дејирди. Бу моизләриндә бујурурду ки, шәрәфли өлүм зәлил јашамагдан даһа үстүндүр. Инсанлар ҝөрмүрләр, ешитмирләр. Она ҝөрә дә һагга әмәл етмирләр. Бу гәдәр фәсад төрәдилдијини ҝөрмүрләр вә она ҝөрә дә һеч кәс ондан чәкиндирмир. Белә бир шәраитдә мөмин ҝәрәк өлүмү арзу етсин, кәрамәт вә шәрафәти сечсин.
Имамын (ә) бүтүн һәјаты – иззәти-нәфсин ән үстүн нүмунәсидир. Имам Һүсејн (ә) инсанлыг кәрамәтинин ән үстүн галасына чыха билмишдир. Елә бир гала ки, һәр кәсин ҹүрәт едә биләҹәји бир иш дејилди. Ону бу галаја чыхардан – али руһу, иззәти-нәфси, иманы, тәгвасы вә она тәрбијә верәнләрин әмәји иди. Имам (ә) јахшы билирди ки, һеч бир заман зилләтлә јашаја билмәјәҹәкдир. Она ҝөрә дә бу јолда ән үстүн оланыны сечди.
Диггәт: Хәбәрдән истифадә етдикдә мәнбәјә истинад лазымдыр
9 aprel 2019 - 13:30
Xəbər kodu: 936217
Имам Һүсејн (ә) бујурур: “Зијадын оғлу – бу накәс мәндән истәјир ки, икисиндән бирини сечим: ја зилләтә бојун әјим вә ја да гылынҹа. Бизим “һејһат минназ-зилләт”имиз һара, зилләтә бојун әјмәјимиз һара? Аллаһ разы олмаз зилләтә бојун әјәк”.
