Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Авропа Иттифагы (АИ) Исраилин 1967-ҹи илдә ишғал етдији әрәб әразиләри үзәриндә суверенлијини танымыр. Бу сөзләри Авропа Иттифагынын хариҹи ишләр вә тәһлүкәсизлик сијасәти үзрә али нүмајәндәси Федерика Могерини Әрәб Дөвләтләри Лигасынын Тунисдә кечирилән 30-ҹу саммитиндә дејиб.
Политолог Фикрәт Садыхов дејир ки, АИ-нин бу гәрары танымамасынын әсасы вар: “Башга бир өлкәнин ишғал олунмуш әразисинә гаршы бу ҹүр мүнасибәт бејнәлхалг һүгуга зиддир. Дүшүнүрәм ки, Суријада Бәшәр Әсәди девирә билмәјән АБШ бу сәбәбдән белә бир аддым атыр. Анҹаг бу аддым һеч бир дөвләт тәрәфиндән гәбул едилмәјәҹәк. АБШ-ын бу аддымы бејнәлхалг дүзәни позур”.
Гејд едәк ки, бир мүддәт өнҹә АБШ Президенти Доналд Трамп Фәләстин торпагларыны ишғал етмиш сионист Исраил режиминин гондарма баш назири Бинјамин Нетанјаһунун иштиракы илә бу режимин Суријанын Ҹолан тәпәләри үзәриндә суверенлијинин танынмасы барәдә сәнәдә имза атыб.
Диггәт: Хәбәрдән истифадә етдикдә мәнбәјә истинад лазымдыр
