Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан президенти Илһам Әлијев Иран Ислам Республикасынын Президенти Һөҹәтүл Ислам Һәсән Руһанини Бакыда тәшкил олунаҹаг Гошулмама Һәрәкаты Иҹласына дәвәт едиб.
Дәвәт мәктубуну Азәрбајҹан хариҹи ишләр назири Елмар Мәммәдјаров Теһранда Иран Ислам Республикасынын президенти Һәсән Руһани илә ҝөрүшүндә тәгдим едиб.
Ҝөрүш заманы икитәрәфли әлагәләр мүзакирә едилиб.
Һ.Руһани ИИР-Азәрбајҹан мүнасибәтләринин даһа да ҝенишләндирилмәсинин ваҹиблијини вурғулајыб.
О, ики өлкә арасында ваҹиб лаһијәләрин һәјата кечирилдијини хатырладыб вә билдириб ки, бу лајиһәләр бөлҝә үчүн мүһүм аддымдыр.
Иран Ислам Республикасынын президенти әлавә едиб ки, ИИР вә Азәрбајҹан һәр заман реҝионал вә бејнәлхалг мәсәләләрдә һүгугларыны мүдафиә едәрәк, сүлһ вә сабитлијин бәрпа едилмәси истигамәтиндә бирҝә фәалијјәт ҝөстәриб.
Диггәт: Хәбәрдән истифадә етдикдә мәнбәјә истинад лазымдыр
