Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Дүнән сечки кампанијасы чәрчивәсиндә рәһбәрлик етдији "Ликуд" партијасынын үзвләрилә ҝөрүшү заманы чыхыш едән ишғалчы сионист режимин Баш назири Бенјамин Нетанјаһу Азәрбајҹаны Әфганыстанла сәһв салыб.
Мәлумата ҝөрә, өз рәһбәрлији дөврүндә гаичән Исраил режиминин бејнәлхалг аренада әлдә етдији уғурлары садалајан Нетанјаһу сәфәр етдији өлкәләри сајыб вә бу заман Азәрбајҹан әвәзинә Әфганыстаны гејд едиб.
Ишғалчы режимин һөкумәт рәһбәри һәмин чыхышында белә дејиб: "Мән Пекиндә, Токјода, Рио-де-Жанејрода, Нју-Деһлидә, һәмчинин Чадда, Оманда, Әфганыстанда, Газахыстанда, Австралијада вә Сингапурда дүнја лидерләрилә ҝөрүшәркән сизи тәмсил етмәкдән, Исраил халгыны тәмсил етмәкдән гүрур дујурдум".
Нетанјаһунун Әфганыстанын адыны чәкмәси динләјиҹиләр арасында тәәҹҹүблә гаршыланыб. Чүнки ишғалчы режимин Әфганыстанла һеч бир дипломатик әлагәси јохдур вә гаршылыглы сәфәрләр дә баш тутмајыб.
Чыхышына дүзәлиш вермәдән давам етмәси сијаси аналитикләр арасында шүбһәләрә сәбәб олуб. Белә ки, Нетанјаһунун техники сәһвә јол вердији, јохса мәгсәдли шәкилдә сијаси месаж өтүрдүјү барәдә фикирләр јаранмаға башлајыб. Һәтта Исраилин бәзи медиа гурумлары Нетанјаһунун чох ҹидди бир сијаси сирри ачыгладығыны да јазыб.
Лакин чыхышындан сонра өз "Twitter" сәһифәсиндә ачыглама јазан Нетанјаһу Әфганыстаны дејил, Азәрбајҹаны нәзәрдә тутдуғуну гејд едиб: "Мән әслиндә Азәрбајҹаны нәзәрдә тутмушдум, анҹаг ким билир, бәлкә нөвбәти кабинет мүддәтиндә Әфганыстана да сәфәр етдим...".
Гејдедәкки, ишғалчы режимин баш назири бундан әввәлки чыхышларында да өлкә адларыны сәһв салыб. Белә ки, өтән декабрда Нетанјаһу өз һәјатјолдашынын Никарагуада рәсми сәфәрдә олдуғуну билдириб, лакин онун арвады әслиндә Гватамелада сәфәрдә олуб.
Диггәт: Хәбәрдән истифадә етдикдә мәнбәјә истинад лазымдыр
