Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Шимали Америка Һава-Космос Гүввәләринин командири ҝенерал Терренс О Шонесси Русијанын АБШ-ын мәркәзи һиссәләриндәки һәдәфләри вура билән нүвә башлығы дашымајан ракетләр јерләшдирдијини билдириб.
Wасһинҝтон Тимес-ын хәбәринә ҝөрә, америкалы ҝенерал Русијанын Авангард һиперсоник ракетинин АБШ-а чатмасынын тәхминән 15 дәгигә чәкәҹәјини билдириб. Командир бу ракетин АБШ-ын һавадан мүдафиә системини јармаг үчүн бүтүн хүсусијјәтләрә малик олдуғуну сөјләјиб.
АБШ Сенатында данышан ҝенерал Терренс О Шонесси АБШ үчүн ән тәһлүкәли олан Русија силаһларыны да садалајыб. Ҝенерал Русијанын стратежи бомбардманчы тәјјарәләри Ту-160 вә Ту-95 илә узун мәнзилли ракетләрә вурғу едиб.
Бундан башга, Северодвинск типли Русијанын суалты ҝәмиләринин әввәлки нәсилләринә ҝөрә, даһа чох сәссиз вә өлүмҹүл олдуғуну гејд едән америкалы ҝенерал, гурудакы һәдәфләри вурмаг үчүн һәддән артыг сәссиз олан Калибр ракетләринин АБШ-ын шимал реҝионларыны тәһдид етдијини билдириб.
Диггәт: Хәбәрдән истифадә етдикдә мәнбәјә истинад лазымдыр
