Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Оху-ја ачыгламасында милләт вәкили Саһиб Алыјев Талыш милли фәалы Фәхрәддин Аббасовун Москвадан Бакыја депортасија олунмасы хәбәрини шәрһ едәркән дејиб: "Буна ән чох севинән бизим талыш гардашларымыз олаҹаг."
О билдириб ки, бу, президент Илһам Әлијевлә Русија президенти Владимир Путин арасында гаршылыглы ҝүвәнә дајанан әлагәләрин нәтиҹәсидир.
Ермәни мүғәнниси Заранын 2018-ҹи илдә тәм-тәраһла јүксәк сәвијјәдә Бакыја ҝәтиздирилмәсинә, Ермәни забитләринин НАТО забитләри чәрчивәсиндә Бакыда кечирилән топлантыја гатылмасына, Бакыдан көч едиб ҝедән ермәниләри Бакыја ҝәтиздирәрәк онлары лүкс мәнзилләрлә тәмин едилмәсинә, Азәрбајҹан мәмурларынын гызларыны ермәни оғланлары илә евләндирмәсинә һәмчинин өзләринин дә ермәни гадымлары илә аилә һәјат гурмасына вә с. кими нүанслара тохунмајан һөрмәтли милләт вәкили Саһиб Алыјев дејиб:
“Фикримҹә, Фәхрәддин Аббасовун һәбсинә ән чох севинәнләр бизим талыш гардашларымыз олаҹаг. Она ҝөрә ки, шәрәф һиссини итирмиш бу адам бир тәрәфдән өзүнү талыш милләтчиси кими тәгдим едир, диҝәр тәрәфдән дә торпагларымызын бүтүнлүјү уғрунда шәһид олан минләрлә сојдашынын руһуну инҹидәрәк ҝедиб һајларла ишбирлији гурур, Ермәнистан кәшфијјатынын вердији мүхтәлиф тапшырыглары јеринә јетирирди.
Инди бүтүн бунлара ҝөрә мәһкәмә гаршысында ҹаваб верәҹәк. Гој, диҝәрсатгынларададәрсолсун!”
Диггәт: Хәбәрдән истифадә етдикдә мәнбәјә истинад лазымдыр
