Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Парис шәһәриндә ермәниләр Хоҹалы сојгырымы гурбанларынын хатирәсинә һәср олунмуш тәдбирин кечирилмәсинә мане олмаға ҹәһд ҝөстәрибләр.
Азәрбајҹанын Франсадакы сәфирлији вә ЈУНЕСКО јанында даими нүмајәндәлијинин Парисин "Сан-Еустаҹһе" килсәсиндә Хоҹалы сојгырымы илә бағлы кечирмәји планлашдырдығы тәдбирин башламасына 10 дәгигә галмыш бир груп ермәни килсәјә басгын едиб.
Тәхрибатчылар гышгырараг, килсәдәки стуллары сындырмаға, гонаглара гаршы налајиг һәрәкәтләр етмәјә ҹәһд ҝөстәрибләр. Онлар даһа сонра тәдбир иштиракчыларыны килсәни тәрк етмәјә чағырараг, гонаглары тәһгир едибләр. Лакин тәдбирә ҝәлмиш гонаглар килсәни тәрк етмәјибләр. Онларын әксәријјәти килсәјә басгын едән ермәниләрә өз етиразларыны билдирәрәк, тәхрибатчылардан килсәни тәрк етмәләрини тәләб едибләр.
Әразијә чағырылан Франса полиси 20 нәфәрдән ибарәт ермәни тәхрибатчыларыны килсәдән чыхарыблар.
Ардынҹа тәдбирә старт верилиб вә јүксәк тәһлүкәсизлик шәраитиндә давам етдирилиб.
Диггәт: Хәбәрдән истифадә етдикдә мәнбәјә истинад лазымдыр
