Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, АБШ президенти Доналд Трамп бүтүн дүнјада һомосексуаллығын декриминилизасијасына наил олмаг нијјәтиндәдир.
Бу барәдә “NBS Nеws” мәлумат јајыб.
Мәлумата ҝөрә, Трамп администрасијасы һомосексуаллығын ҹинајәт сајылдығы вә ҹинси азлыгларын тәгиб олундуғу өлкәләрә јөнәлмиш глобал кампанијаны ишә салмаға һазырлашыр.
Програма президент администрасијасынын јүксәк вәзифәли һомосексуалы, АБШ-ын Алманијадакы сәфири Ричард Гренелл башчылыг едәҹәк.
Кампанијанын башламасыны гејд етмәк үчүн артыг Бирләшмиш Штатларын Берлиндәки сәфирлијинә Авропанын мүхтәлиф өлкәләриндән олан ЛҜБТ фәаллары чағырылыб.
Үмумиликдә дүнјада һомосексуаллығын ганунла гадаған едилдији вә ҹинајәт сајылдығы 72 өлкә вар. Онлардан сәккизиндә буна ҝөрә ән ағыр ҹәза – өлүм ҹәзасы верилир.
Програмын ишә салынмасына Иранда бу јахынларда һомосексуал олдуғуна ҝөрә бир ҝәнҹин едамындан сонра гәрар верилиб. Иран АБШ-ын әзәли сијаси рәгиби олса да, Вашингтонун Јахын Шәрг өлкәләриндән олан мүттәфигләри, о ҹүмләдән, Сәудијјә Әрәбистаны, БӘӘ, һәмчинин, Пакистан вә Әфганыстанын бу кампанијаја гаршы чыхаҹағы ҝөзләнилир.
Диггәт: Хәбәрдән истифадә етдикдә мәнбәјә истинад лазымдыр
