Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Имам Хаменеи ҹәнаблары Систан вә Бәлучестан вилајәтиндәки террор һадисәсиндә Ислам Ингилабы Кешикчиләри Корпусу- Сепаһ-ын сәрһәд гошунларынын үзвләриндән бир групунун шәһид олмасы мүнасибәтилә башсағлығы верибләр.
Үмүдүнја Мүсәлманларынын Али Лидери Ајәтуллаһ Сејјид Әли Хаменеи бу ҝүн бир мүраҹиәтдә билдирибләр: "Муздурларын ҹинајәткар әлләри бир даһа өлкәнин әмәли-салеһ вә хидмәтчи ҝәнҹләринин ганларына булашды вә өзләрини халгын тәһлүкәсизлијинин вә сәрһәдләрин горунмасына вәгф етмиш инсан сәрмајәләриндән бир групу үзүгара вә дашүрәк террорчуларын һүҹумунда шәһид олду."
Имам Хаменеи ҹәнаблары һәмчинин гејд едибләр: "Бу ҹинајәт амилләринин реҝиондакы вә реҝиондан кәнар бәзи өлкәләрин ҹасуслуг тәшкилатлары илә әлагәләри гәтидир вә өлкәнин мәсул органлары онун үзәриндә ҹәмләшмәли вә ону ҹидди шәкилдә изләмәлидирләр."
Һәзрәт Ајәтуллаһулузма Хаменеи һәмчинин бу террор һүҹуму шәһдиләринин аиләләринә, еләҹә дә Ислам Ингилабы Кешикчиләри Корпусу- Сепаһ-ын бөјүк аиләсинә башсағлығы верәрәк Шәһадәтә јетмәләрини тәбрик едиб вә Аллаһ-Тааладан онлар үчүн сәбир вә илаһи мүкафат, һәмчинин шәһидләр үчүн јүксәк дәрәҹәләр, јаралылара да тез бир заманда сағалма диләјибдир.
Диггәт: Хәбәрдән истифадә етдикдә мәнбәјә истинад лазымдыр
