Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бәһмән ајынын 12-си, февралын бири, Иран Ислам Ингилабынын мүбарәк Фәҹр онҝүнлүјү башланыр.
Гырх ил бундан габаг белә бир ҝүндә, јәни ҝүнәш тәгвими илә 1357-ҹи ил бәһмән ајынын 12-си, 1979-ҹу ил февралын бириндә Иран Ислам Республикасынын даһи баниси Һәзрәт Имам Хомејни(р.ә.) он беш ил вәтәндән узагда вә сүрҝүндә оландан сонра халгын шөвглү вә әзәмәтли гаршылама мәрасими илә Ислами Иран торпағына гәдәм гојду.
Онун Ирана дахил олмасындан он ҝүн сонра, ҝүнәш тәгвими илә 1357-ҹи ил бәһмән ајынын 22-си, 1979-ҹу ил февралын он бириндә әзәмәтли Иран Ислам Ингилабы зәфәр чалды.
Буна ҝөрә, бәһмәнин 12-дән, јәни Имам Хомејни(р.ә)-ин Ирана дахил олдуғу ҝүндән Иран Ислам Ингилабынын зәфәр чалдығы бәһмән ајынын 22-дәк олан мүддәт, "Фәҹр онҝүнлүјү" адландырылыбдыр. Һәр ил бу ҝүнләрдә Ислам Ингилабынын гәләбәсинин илдөнүмү илә бағлы шәнликләр вә хүсуси мәрасимләр кечирилир.
Һәзрәт Имам Хомејни(р.ә)-ин Ирана дахил олдуғу тарихи анла бир заманда Ислам Ингилабынын "Фәҹр онҝүнлүјү" шәнликләринин башланмасы үзрә рәсми мәрасим бу ҝүн сәһәр халгын мүхтәлиф тәбәгәләри, шәһид аиләләри, орду вә өлкә рәсмиләринин иштиракы илә Иран Ислам Республикасынын даһи банисинин пак һәрәминдә, Теһранын Меһрабад һава лиманында, һәмчинин бүтүн Ислами Иранда кечирилир.
Бу ҝүндә килсәләрин зәнҝләри, ҝәмиләрин сигналлары, гатарларын фитләри дә һөрмәт әламәти олараг чалыныр вә бүтүн Иран мәктәбләриндә Ислам Ингилабынын зәфәр нәғмәси сәсләндирилир.
Диггәт: Хәбәрдән истифадә етдикдә мәнбәјә истинад лазымдыр
