Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Ингилабынын гәләбә чалмасынын 40-ҹы илдөнүмү мүнасибәтилә "Һүвејзә" адлы јер-јер типли узаг-радиуслу Круз ракетинин тәгдиматы олуб.
Иран Ислам Республикасынын мүдафиә вә силаһлы гүввәләрә дәстәк назири ҝенерал-мајор Әмир Һатәми шәнбә ҝүнү Теһранда "Һүвејзә" адлы јер-јер типли узаг-радиуслу Круз ракетинин тәгдиматы мәрасиминин кәнарында Фәҹр Декадасыны тәбрике дәрәк, дејиб: "Һүвејзә" ракети иранлы мүтәхәссисләр тәрәфиндән дүнјанын ән модерн технолоҝијасы әсасында һазырланыб. Бу ракет 1350 километрлик учуш радиусуна маликдир вә сабит гуру һәдәфләр әлејһинә истифадә етмәк үчүндүр.
Ҝенерал-мајор Һатәми атыша чох тез һазыр олмасыны, сүрәтли реаксијасыны, ашағыдан учмасыны, јүксәк дәгиглијини вә бөјүк дағыдыҹылыг гүдрәтини ""Һүвејзә" ракетинин әсас хүсусијјәтләри адландырыб вә дејиб: "Һүвејзә" ракети бөјүк бир мүдафиә наилијјәти вә өзүнәинамын символу олараг, мүдафиә саһәсиндә Иран халгынын һеч бир сәрһәд вә манеә танымадығына дәлаләт едир.
Иран Ислам Республикасынын мүдафиә назири әлавә едиб: Мүдафиә саһәсиндәки наилијјәтләр дүшмәнләрин санксијаларына вә тәзјигләринә бахмајараг, бир даһа "биз баҹарарыг" шүарыны сөзүн әсл мәнасында һәјта кечирмәјин нишанәси олараг Иран Ислам Ингилабынын һәлә дә актив олдуғуна дәлаләт едир.
Диггәт: Хәбәрдән истифадә етдикдә мәнбәјә истинад лазымдыр
