Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Авропа Парламентинин Азәрбајҹанда инсан һүгугларынын позулмасы илә бағлы вәзијјәт вә блоҝер Меһман Һүсејновун ишинин мүзакирә олундуғу буҝүнки иҹласында Азәрбајҹан һакимијјәти кәскин тәнгидләрә мәруз гојулуб.
Мүхтәлиф өлкә вә фраксијалардан олан ијирмијә јахын депутатын гијмәтләндирмәси вә һөкумәти тәнгиди кәскин олуб.
Хүсусән, Азәрбајҹан һакимијјәтинин узун илләрдир өз өһдәликләринә мәһәл гојмамасы, инсан һүгугларыны вә демократија нормаларыны кобуд шәкилдә вә сајмазҹасына позмасы диггәт мәркәзиндә олуб.
Депутатлар авропалы сијасәтчиләр арасында Азәрбајҹан һакимијјәтиндән алдыглары пул мүгабилиндә инсан һүгугларынын позулмасына ҝөз јуман, рәсми Бакынын мүдафиәчиси олмаға чалышан, бу заман Авропа үчүн газ мәнбәји кими Азәрбајҹанын әһәмијјәти илә спекулјасија едән лоббичиләри тәнгидә мәруз гојублар.
"Педро Аграмунту вә пула сатылан, Бакынын коррупсионер режимини мүдафиә едән диҝәр авропалы депутатлары вә мәмурлары мәсулијјәтә чағырмаг лазымдыр."
"Азәрбајҹанын Авропанын тәрәфдашы олараг галдығы вә онун газынын авропалыларын Москвадан асылы олмамасына көмәк етмәси һаггында спекулјасијалара сон гојулмалыдыр."
"Һакимијјәтин өзбашыналығына сон гојулмалы, биринҹи шәхсә вә Азәрбајҹанда инсан һүгугларынын кобуд шәкилдә позулмасында тәгсирли олан бүтүн диҝәр мәмурлара гаршы санксијалар тәтбиг едилмәлидир.”
Депутатларын буҝүнкү чыхышларынын әсас тезисләри белә олуб. Чыхышлара Тиҹарәт үзрә Авропа Комиссары Сесилија Малстр јекун вуруб.
О гејд едиб ки, Брүссел Азәрбајҹан һакимијјәти илә Меһман Һүсејновун иши үзрә даими диалог апарыр, онун дәрһал вә гејд-шәртсиз азад едилмәсини тәләб едир.
Меһман Һүсејнова гаршы сахталашдырылмыш јени ҹинајәт иши Авропа Иттифагы вә Азәрбајҹан арасында тәрәфдашлыг мүнасибәтләринә зиддир.
"Она гаршы сахталашдырылмыш јени ҹинајәт иши Авропа Иттифагы вә Азәрбајҹан арасында тәрәфдашлыг мүнасибәтләринә зиддир. Биз Бакы илә даими диалогу давам етдирирк вә бу өлкә илә јени сазиш әтрафында данышыгларымыза мүтләг демократијаја, инсан һүгугларына, ганунун алилијинә вә әдаләтли дөвләт идарәчилијинә дәстәк бәндләри дахил едиләҹәк.
Бу мүддәалар чәрчивәсиндә биз Азәрбајҹанын вәтәндаш ҹәмијјәти илә әлагә сахлајаҹағыг вә февралын 5-дә мәсләһәтләшмәләримизи Бакыда давам етдирәҹәјик," о билдириб.
Авропа Комиссары һәмчинин гејд едиб ки, Авропа Итиифагынымн Бакы офиси тәкҹә Меһман Һүсејновун дејил, диҝәр сијаси мәһбусларын ишләрини дә диггәт мәркәзиндә сахлајыр.
Мүзакирәләрин јекунларына ҝөрә Авропа Парламенти Бакыны инсан һүгугларынын күтләви вә кобуд шәкилдә позулмасына ҝөрә тәнгид едән "Азәрбајҹанда Меһман Һүсејновун иши" адлы 2019/2511 сајлы гәтнамәни 533 сәслә гәбул едилиб.
Өз нөвбәсиндә, рәсми Бакы бејнәлхалг тәнгидләри гәбул етмир вә гәрәзли сајыр. Дөвләт рәсмиләри өлкәдә фундаментал азадлыгларын, о ҹүмләдән мәтбуат вә топлашмаг азадлығынын там тәмин едилдијини бәјан едир.
Бунунла јанашы јерли һүгуг мүдаифәчиләри 150 инсаны сијаси мәһбус кими таныјыр. Бетјнәлхалг тәшкилатлар өлкәдә он нәфәр журналист вә блоҝерин һәбсдә олдуғуну билдирир. Амнестј Интернатионал ондан чох инсаны виҹдан мәһбусу елан едиб.
Авропа Шурасынын Парламент Ассамблејасы Азәбајҹанда сијаси мәһбуслар үзрә мәрузәчи тәјин едиб.
Диггәт: Хәбәрдән истифадә етдикдә мәнбәјә истинад лазымдыр
17 yanvar 2019 - 20:45
Xəbər kodu: 925300
Депутатлар авропалы сијасәтчиләр арасында Азәрбајҹан һакимијјәтиндән алдыглары пул мүгабилиндә инсан һүгугларынын позулмасына ҝөз јуман, рәсми Бакынын мүдафиәчиси олмаға чалышан, бу заман Авропа үчүн газ мәнбәји кими Азәрбајҹанын әһәмијјәти илә спекулјасија едән лоббичиләри тәнгидә мәруз гојублар.
