Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, АБШ Федерал Тәһгигатлар Бүросу (ФТБ) Президент Доналд Трампын Русијанын хејринә чалышыб-чалышмамасына даир арашдырмаја башлајыб.
Мәлумата ҝөрә, ФТБ директору Ҹејмс Коминин истефаја ҝөндәрилмәсиндән аз сонра башлајан арашдырмада дөвләт башчысынын давранышларынын милли тәһлүкәсизлијә тәһлүкә јарадыб-јаратмадығыны өјрәнмәк мәгсәди гојулдуғу билдирилир.
Ағ Ев сөзчүсү Сараһ Сандерсин бунунла бағлы јајдығы ачыгламада сөзүҝедән мәлуматлар ҹәфәнҝијјат олараг дәјәрләндирилиб: “Русија вә башга хариҹи өлкәләрә АБШ-ы һәдәләмәјә фүрсәт верән Барак Обаманын әксинә олараг Президент Трамп Русија мәсәләсиндә һәгигәтән сәрт мөвгедәдир”.
Диггәт: Хәбәрдән истифадә етдикдә мәнбәјә истинад лазымдыр
