Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Декабрын 25-ы Иса пејғәмбәрин (әла нәбијјина вә алиһи вә әлејһи сәлам) мөвлуду ҝүнү кими гејд едилир. Мөвлудла әлагәдар Фәләстинин Бејт-Ләһм шәһәриндә бајрам тәдбирләри кечирилиб.
Һәзрәти Исанын (ә) доғум ҝүнү тәдбирләринин бу ҝүндә кечирилмәсинә бахмајараг онун доғулдуғу ил вә ҝүн барәдә јекдил рәј мөвҹуд дејил. Онун доғулмасынын милад тарихинин башламасындан 5 вә ја 6 ил өнҹәјә вә әксәријјәтин гәбул етдији фикрә ҝөрә декабрын 25-ә тәсадүф етдији билдирилир.
Дини мәнбәләрә нәзәр салдыгда Иса пејғәмбәрин (ә) доғум анлары вә о заман баш верән һадисәләр Гурани-Кәримдә даһа чох тәфәррүатлы вә мараглы сөјләнилиб. Гурани-Кәримдә мүбарәк Мәрјәм сурәси мөвҹуддур ки, Иса пејғәмбәрин доғум анлары орада әкс етдирилир.
О һәзрәтин доғулдуғу мәкан исә һазырда Фәләстиндә јерләшән “Бејт-Ләһм” (Вифлејм) шәһәридир. Бу мәкан 2 ерадыр ки, дүнја христианларынын мүгәддәс мәканыдыр вә һәр ил бурада Иса Пејғәмбәрин (ә) доғум ҝүнү гејд едилир. Дүнән бу шәһәрдә доғум ҝүнү мүнасибәтилә кечирилән тәдбирдә дүнја христианлары, хүсусилә дә фәләстинли христианлар фәал иштирак едиб, бајрам тәдбирләри кечириб. Бајрам тәдбиринә Фәләстин рәсмиләри дә гатылыблар.
Биз АБНА олараг һәзрәт Иса (әла нәбијјина вә алиһи вә әлејһи сәлам) Мәсиһи доғум ҝүнү мүнасибәти илә тәбрик едирик!
Диггәт: Хәбәрдән истифадә етдикдә мәнбәјә истинад лазымдыр
