Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасы президенти Теһран - Бакы әлагәләринин мөһкәмләндирилмәси вә ҝенишләндирилмәси һабелә, ики өлкә арасында әлдә олунмуш анлашмаларын иҹрас просесинин сүрәтләндирилмәсинә тәкид етди.
Иран Ислам Республикасы президенти Һәсән Руһани чәршәнбә ахшамы дост, гоншу вә гардаш өлкә олараг Азәрбајҹан Республикасы илә әлагәләрин ҝенишләндирилмәсини Иран үчүн өнәмли адландырыб вә дејиб: Хошбәхтликдән ики өлкә әлагәләри өтән илләрдә инкишаф һалында олуб вә бу ҝүн Теһран вә Бакы арасында јахын вә сәмими мүнасибәтләрин шаһидијик.
Һәсән Руһани Иран вә Азәрбајҹан президентләринин өтән 5 илдә 12 дәфә ҝөрүшдүкләринә ишарә едәрәк, дејиб: Ики өлкә рәсмиләринин јахын мүнасибәтләри вә ҹидди сәјләринин нәтиҹәси икитәрәфли әлагәләрин јүксәлән хәтт үзрә инкишафы олуб.
Ҹәнаб Руһани әлавә едиб: Азәрбајҹан Республикасы мәдәнијјәт, дин, мәзһәб вә дил ортаглыглары бахымындан Ирана ән јахын өлкәләрдән биридир вә бу өлкәнин мүстәгиллијини әлдә етдији замандан Иран вә Азәрбајҹан арасында јахын әлагәләр мөвҹуд олуб.
Иран президенти ики өлкәнин шимал-ҹәнуб маршрутунун чәкилмәсиндәки бирҝә әмәкдашлығына вә Астара-Астара дәмри јолунун бир-биринә говушдурулмасы һабелә, Астара-Рәшт дәмир јолунун тәкмилләшдирилмәси үзрә ишләри икитәрәфли әлагәләрдәки мүһүм әмәкдашлыглардан адландырыб.
Һәсән Руһани даһа сонра реҝионал ихтилафларын сијаси мүстәвидә вә мүзакирә јолу илә һәлл едилмәсинә дә тәкид едәрәк, дејиб: реҝионал мәсәләләрин халгларын һүгугларынын горунмасы чәрчивәсиндә һәлл едилмәсинә сәј ҝөстәрилмәлидир вә бу хүсусда Иран Ислам Республикасы реҝионал мүнагишәләрин һәллинә көмәк етмәјә һазырдыр.
Азәрбајҹан Республикасы Милли Мәҹлисинин спикери Огтај Әсәдов да бу ҝөрүшдә Иран вә Азәрбајҹаны ики дост вә гардаш өлкә адландырараг, бу үздән ики өлкә арасында сәмими мүнасибәтләрин олдуғуну дејиб.
Ики өлкә башчыларынын әлагәләрин ҝенишләндирилмәсинә хүсуси өнәм вермәси икитәрәфли әлагәләрин јүксәлән хәтт үзрә инкишаф етмәсинә сәбәб олуб - дејә Әсәдов билдириб.
Азәрбајҹан Милли Мәҹлисинин спикери Иранын реҝионал вә бејнәлхалг мәсәләләрлә бағлы мөвгејини һабелә, гоншу өлкәләрин әрази бүтөвлүјү вә милли һакимијјәтини дәстәкләмәсини дә һөрмәтә лајиг аддым адландырыб вә дејиб: Һеч шүбһәсиз реҝинал проблемләр елә реҝион өлкәләри тәрәфиндән һәлл едилмәлидир.
Гејд едәк ки, бу ҝүн Азәрбајҹан Милли Мәҹлисинин спикери Огтај Әсәдов Теһранда ИИР Иран Ислам Шурасы Мәҹлисинин сәдри Әли Лариҹани илә дә ҝөрүшүб.
Ҝөрүшдән сонра Әли Лариҹани әмәкдашы бирҝә кечирилән мәтбуат конфрансында дејиб: Бу ҝөрүшдә ики өлкә арасында тиҹарәт әлагәләринин ҝенишләндирилмәсинә даир данышыгларын апарылмасы илә јанашы, иранлы вә азәрбајҹанлы сәрмајә саһибләри вә иш адамларынын сәрмајә гојулушларынын садәләшдирилмәси, ики өлкәнин сәрһәд мәнтәгәси сакинләринин ҝедиш-ҝәлишинин асанлашдырылмасы вә диҝәр мәсәләләр барәдә мүзакирәләримиз олду.
Диггәт: Хәбәрдән истифадә етдикдә мәнбәјә истинад лазымдыр
