Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Русија хариҹи ишләр назиринин мүавини Григори Карасин дүнән вердији мүсаһибәдә билдириб ки, Москва Американын малијјә һимајәси алтында олан "Ричард Логар" лабораторијасынын Ҝүрҹүстандакы фәалијјәтләриндән ниҝарандыр.
Дејиләнләрә ҝөрә, бу лабораторијада билоложи силаһлар сынагдан кечирилир.
Русија хариҹи ишләр назиринин мүавини әлавә едиб: Москва Тифлис вә Вашингтондан Американын малијјә һимајәси алтында олан лабораторијанын Русија сәрһәди јахынлығында јерләшән Ҝүрҹүстандакы фәалијјәтләринин реал маһијјәтинә ајдынлыг ҝәтирмәләрини ҝөзләјир.
Бундан габаг Русија мүдафиә назирлијинин биоложи, кимјәви вә радиоактив мүдафиә гүввәләринин рәиси Игор Кириллов билдирмишди ки, Американын "Ричард Логар" лабораторијасында Ҝүрҹүстан вәтәндашларынын үзәриндә апарылмыш сынагларда јетмиш үч нәфәр һәјатыны итирибдир.
Ҝүрҹүстанын кечмиш дөвләт тәһлүкәсизлији назири Игор Ҝеоргадзе дә сон заманлар билдирибдир ки, бу өлкәнин пајтахты Тифлис шәһәринин јахынлығында јерләшән Американын "Ричард Логар" лабораторијасында биоложи силаһларын ҝенишләндирилмәси барәдә олан сәнәдләрә маликдир.
Диггәт: Хәбәрдән истифадә етдикдә мәнбәјә истинад лазымдыр
