Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Алманијанын "сары ҝөдәкчәлиләр"и Франсадакы "сары ҝөдәкчәлиләр" илә һәмрәјлик характери дашыјан бир һәрәкәтдә Мүнһендә аксија кечирибләр.
Ди Волт гәзетинин јаздығына ҝөрә, онларла нәфәр о ҹүмләдән "сары ҝөдәкчәлиләр" базар ҝүнү Мүнһендә аксија кечирәрәк, Алманијанын солчу партијасынын дәвәти әсасында, Франсадакы "сары ҝөдәкчәлиләр"и дәстәкләјибләр.
Бу етираз аксијасы Алманија канслери Анҝела Меркелин солчу партијасындан Франсадакы "сары ҝөдәкчәлиләр"ин етираз аксијасыны дәстәкләмәмәсини истәмәсиндән ики ҝүн сонра кечирилиб.
Аксија иштиракчылары иш шәраитинин ағыр олмасына вә мәһдудијјәтләрә етираз едибләр. Бу етираз аксијасында чыхыш едәнләрдән бири гаршыдан ҝәлән һәфтәләрдә Һамбург, Лејпсиг, Штутгард вә Дүселдорф шәһәрләриндә дә охшар аксијаларын кечириләҹәјинин анонсуну вериб.
Алманија парламентиндә солчу фраксијасынын рәһбәри Сара Вагенкнешт дә бу барәдә дејиб: "Ајаға галхын" һәрәкатынын тәсис едилмәсиндән өтән 100 ҝүн әрзиндә тәгрибән 167 мин нәфәр бу һәрәкаты дәстәкләмәјә башлајыб.
"Сары ҝөдәкчәлиләр"ин етираз аксијасы 17 нојабрда Франсада башланыб. Бу һәрәкат Франса президенти Емануел Макронун јанаҹаг үчүн әлавә верҝи тәјин етмәк истәмәсинә етираз олараг башланды. Амма, сүрәтлә бүтүн өлкәни бүрүјәрәк, Һолландија вә Белчика кими диҝәр Авропа өлкәләринә дә сирајәт етди.
Франса президентинин өз мөвгејиндән ҝери чәкилмәсинә вә бир сыра вәдләр вермәсинә бахмајараг, наразы күтлә һәлә дә етираз аксијаларыны давам етдирир.
Диггәт: Хәбәрдән истифадә етдикдә мәнбәјә истинад лазымдыр
