Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Инҝилтәрәдәки Ушаглары Хилас Един Фонду БМТ-нин 5 јашындан кичик вә мүалиҹә едилмәјән һәддән артыг кәскин гејри-кафи гидаланмадан әзијјәт чәкән ушагларын өлүм һалларына әсасланараг һазырладығы һесабатында, Јәмәндә 2015-ҹи илин апрелиндән 2018-ҹи илин октјабр ајы арасында 84700 ушағын интенсив гејри-кафи гидаланмадан һәјатыны итирмиш ола биләҹәјини гејд едиб.
“Јәмәнә идхал едилән гиданын 90 %-нин ҝәлдији Һудејда лиман шәһәринин әтрафында давам едән шиддәтли тоггушмалар вәзијјәти ағырлашдырыб. Лиманда ајлыг идхалда 55 мин тондан чох азалма баш вериб ки, бу рәгәм дә 2.2 милјону ушаг олмагла 4.4 милјон инсанын еһтијаҹларыны гаршылаја биләр”.
Фонд Јәмәндә кәскин гејри-кафи гидаланма мүалиҹә едилмәзсә, һәр ил ушагларын 20-30 %-нин һәјатларыны итирәҹәјини билдириб
Фондун Јәмән үзрә директору Тамер Киролос, өлкәдә онларла ушағын аҹлыгдан һәјатыны итирдијини, бунун тамамилә гаршысы алына билән бир вәзијјәт олдуғуну дејиб.
Һудејдада 150 мин ушағын һәјатынын риск алтында олдуғуну билдирән Киролос, белә дејиб: “Аиләләр ушагларынын әријиб ҝетдијинә шаһидлик едирләр вә буна мане олмаг үчүн һеч бир шеј едә билмирләр”.
Диггәт: Хәбәрдән истифадә етдикдә мәнбәјә истинад лазымдыр
