Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Шәввал ајы һиҹри-гәмәри тәгвиминин 10-ҹу ајыдыр. Бу ајда Ислам тарихиндә бир чох мүһүм һадисәләр баш вериб.
Шәввал ајынын бири – Фитр бајрамы
5 шәввал- Мүслим ибни Әгилин Куфәјә ҝәлмәси
7 шәввал – Үһүд дөјүшү, һз Һәмзәнин шәһадәти
8 шәввал – Бәги Гәбирсанлығынын дағыдылмасы (1806-1926)
17- Хәндәк вә ја Әһзаб дөјүшү (5 һ.г)
20 шәввал – Имам Казимин (ә) мәһбәсә салынмасы (179 һ.г)
21 шәввал – Андалусун фәтһ едилмәси (92 һ.г)
25 шәввал – Имам Садигин (ә) шәһадәти (148 һ.г)
Гејд едәк ки, 8 Шәввал Үмүдүнја Бәги Ҝүнү кими гејд олунур. Бу тарихдә јәһуди вә христиан бирләшмәләринин ҝөстәрдикләри мадди вә мәнәви дәстәкләри илә Сәуд сүлаләси дәфәләрлә Һиҹаз мәнтәгәсиндә дүнјанын ән надир тарихи биналарыны, мәзар вә абидәләрини дағыдараг јерлә јексан етмишдир. Бу абидәләрин јерләшдији мәнтәгә исә Бәги адланыр.
Бәги гәбиристанлығы Мәдинә шәһәриндә Мәсҹидүн-Нәбинин гаршысында јерләшир. “Бәги” әрәб дилиндән тәрҹүмәдә “бол ағаҹ битән вә ја ағаҹ көкләри илә долу олан әрази” демәкдир. Мүгәддәслијинә ҝөрә бура Ҹәннәтүл-Бәги дә дејирләр. Бәги гәбиристанлығы Исламдан әввәлдә Јәсриб ҹамаатынын гәбиристанлығы иди. Бурада Пејғәмбәрин (с) оғлу Ибраһим, гызлары Үммүл-Ҝүлсүм, Зејнәб, Ругәјјә, Үһүд дөјүшүндә шәһид оланлар вә диҝәр сәһабәләр – о ҹүмләдән, Абдуллаһ ибн Мәсуд, Пејғәмбәрин (с) әмиси Аббас ибн Әбдүлмүттәлиб, Һәзрәт Пејғәмбәрин (с) сүд анасы Һәлимә бинти Әбу Зүејд, Имам Әлинин (ә) анасы Фатимә бинти Әсәд вә башгалары дәфн олунмушдур.
Бу мәканда Пејғәмбәрин (с) нәвәси: Имам Һәсән (ә), Имам Сәҹҹҹад (ә), Имам Муһәммәд Багир (ә), Имам Ҹәфәр Садиг (ә) мүтәһһәр гәбирләри јерләшир.
Сәуд сүлаләси тәрәфиндән Бәги гәбиристанлығынын учурулмасы ики дәфә баш вериб.
Биринҹи: 1221-ҹи һиҹри гәмәри илиндә (милади тарихи илә 1800-ҹү илдә) јәһуди вә христианлардан ибарәт олан "масон" тәшкилатынын вердији мадди вә мәнәви дәстәкләр сајәсиндәә вәһһаби гүввәләри Әбдүләзиз ибн Сәудун башҹылығы илә Мәдинә шәһәрини узун мүддәт мүһасирәдә сахладыгдан сонра мүсәлман әһалини күтләви гәтлә јетирдиләр. Пејғәмбәрин (с) гәбрини гарәт етдикдән сонра Әбдүләзиз ибн Сәуд Бәгидәки гәбирләрин учурулмасы әмрини верди.
Бу заман Османлы хәлифәси өз валиси Мәһәммәд Әли падшаһа Һиҹазы вәһһаби һакимијјәтиндән азад етмәји әмр едир. Һиҹри тарихи илә 1227-ҹи илдә вәһһабиләр мәғлубијјәтә уғрајырлар. Бундан сонра әһали мүбарәк мәканлары јенидән бәрпа едир.
Икинҹи: Һиҹри 1344-ҹү ил шәввал ајынын 8-и (милади тарихи илә 1925-ҹи ил) јәһуди вә христианларын ҝөстәрдикләри сәјләр нәтиҹәсиндә Сәуд сүлаләси јенидән һакимијјәтә ҝәлир. Һәмин ил Шејх Абдуллаһ өзүнүн баш газисини Сүлејман ибн Бүлһејдәни Мәдинәјә вә Һиҹаза алимләрдән мәгбәрәләрин учурулмасы разылығыны алмаг учун ҝөндәрир. Онларын бир ҹоху ҹанларынын горхусундан ҹаваб вермир. Бәзиләри исә разылыгларыны билдирирләр. Вәһһаби вандаллары да силаһ ҝүҹүнә Мәдинә шәһәриндә вә шәһәрдән кәнарда олан ҝүнбәзләри вә зәриһләри, о ҹүмләдән мәсум Имамларын (ә) мәгбәрәләрини учурдурлар.
Бәги гәбиристанлығынын дағыдылмасы 20-ҹи әсрин ҹинајәтләри сырасында јер алыр.
Диггәт: Хәбәрдән истифадә етдикдә мәнбәјә истинад лазымдыр
