Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән Сурија ордусу вә онун мүттәфигләри сон ҝүнләрдә террорчуларла ағыр тоггушмаларда шәрги Гутәнин үчдә бир һиссәсинә нәзарәти тәмин едибләр.
Меһр хәбәр аҝентлији Суријанын САНА хәбәр аҝентлијинә истинадла билдириб ки, Сурија ордусу вә онун мүттәфигләри шәрги Гутәдә бир чох ҹәбһәләрдә ирәлиләјибләр. Сурија ордусу Русијанын һава дәстәји илә шәрги Гутәдә јараглы груплар вә террорчуларын табелијиндә олан мәркәзләрә нәзарәти тәмин етмәк ардынҹадыр.
Ҹүјшүл-Ислам адланан террорчуларын мәнбәләри дә бу групун Сурија ордусу гаршысында ҝери чәкилдијини билдирибләр.
Әл-Минар телеканалы да Сурија ордусунун шәрги Гутәдә Әл-Мәһәммәдијјә гәсәбәсиндә ирәлиләмәсиндән хәбәр вериб.
Сурија ордусу һал-һазырда Һәрәста вә Дума әтрафындакы гәсәбә вә кәндләрин чохуну террорчулардан тәмизләјиб вә шәрги Гутәдә бир чох бөлҝәләри террорчуларын ишғалындан азад едиб.
Диггәт: Хәбәрдән истифадә етдикдә мәнбәјә истинад лазымдыр
