Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ниҝеријанын Јобе штатында вәһһабиәгидәли “Боко Һарам” террорчу груплашма үзвләринин јерли кәндә һүҹумундан сонра 90-ҹан чох гыз шаҝирд јоха чыхыб.
Бу барәдә “Реутерс” аҝентлији мәлумат јајыб.
“Јәгин ки, гызым оғурланан јеҝанә шаҝирд дејил. Сијаһы үзрә јохламадан сонра 90-дан чох мәктәблинин јериндә олмадығы мәлум олуб” – дејә валидејнләрдән бири аҝентлијә билдириб.
Дапчи кәндинә һүҹум базар ертәси сәһәр саатларында баш вериб.
Иричаплы пулемјотларла силаһланмыш террорчулар јүк машынларында ҝәлиб. Онлар мәктәбә басгын едәрәк, ичәридә оланлары атәшә тутуб. Һүҹумун шаһиди үч јүк машынында дашыјанын гызларын ҝөз јашы төкдүјүнү, гышгырараг, имдад диләдијини билдириб.
Јерли һөкумәт гызларын оғурланмасы барәдә дејиләнләри инкар етсә дә, һал шаһидләринин сөзләринә ҝөрә, артыг ахтарыш тәдбирләри һәјата кечирилир.
Диггәт: Хәбәрдән истифадә етдикдә мәнбәјә истинад лазымдыр
