Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Түркијә Силаһлы гүввәләри Суријанын Африн бөлҝәсиндә һәрби әмәлијјатын илк мәрһәләси олараг ПЈД-јә гаршы “реаксија өлчмә атәши” ачыб.
Африн вә әтрафдакы Суријалыларын һәдәфләринә ендирилән зәрбәләр нәтиҹәсиндә 30 ПЈД-чы өлдүрүлүб.
Мәлумата ҝөрә, Африн әмәлијјатында Түркијәнин гуру ҝүҹләрини тәшкил едәҹәк Азад Сурија Ордусу адлы террор груплашмасында һазырлыглар тамамланыб. 20 минә гәдәр террорчу Афринә ҝирмәк үчүн Түркијәдән әмр ҝөзләјир.
Ҝәрҝинлијин артдығы Африндә вәтәндашлар кичик груплар шәклиндә гачмаға башлајыблар. Онларын Һәләбин шималына һәрәкәт етдији билдирилир.
Гејд едәк ки, Түркијә Силаһлы Гүввәләри вә Түркијәнин дәстәји илә Суријада фәалијјәт ҝөстәрән “Азад Сурија Ордусу” адлы террор силаһлы бирләшмәси Суријанын Африн бөлҝәсини ишғал етмәк үчүн һазырлыгларыны давам етдирир. “Сабаһ” нәшринин јаздығына ҝөрә, Түркијә ордусу Африни тамамилә мүшаһидә едә билән 4 стратежи нөгтәдә јерләшдирилиб. Сәрһәдин Рејһанлыдан Килисә гәдәр олан 100 километрлик әразисиндә јерләшдирилән һәрби бөлмәләри јүксәк һазырлыг вәзијјәтинә ҝәтирилиб.
Диггәт: Хәбәрдән истифадә етдикдә мәнбәјә истинад лазымдыр
