Әһли Бејт (әлејһимус-сәлам) - АБНА – Хәбәр Аҝентлиј: Диз ојнағынын реабилитасијасы травма илә јанашы, диз ојнағынын ендопротезләшдирилмәсиндән сонра да мүтләг апарылмалыдыр. Ендопротезләшдирилмә әмәлијјатынын гысаҹа механизми беләдир: зәдәләнмиш, артыг јарарсыз олан ојнаг ҝөтүрүлүр вә јеринә, биомеханики характеринә ҝөрә тәбии диз ојнағы илә ејни олан сүни материладан һазырланмыш ојнаг јерләшдирилир.
Диз ојнағынын сүни ојнагла дәјишдирилмәсиндән сонра, фәрги јохдур пасијент ендопротезлә илк аддымыны ахсамадан сәрбәст ата билир вә ја нормал аддым үчүн узун вахт тәләб олунуб, илкин олараг бүтүн шәхсләрдә истиснасыз шәкилдә мүтләг реабилитасија апарылмалыдыр. Ендопротезләшдирмә әмәлијјатындан сонра узун мүддәт организмә һәлә ки јад олан јени сүни ојнаг әтрафында илтиһаб оҹаглары галыр вә бундан башга бәзән травматологлар јени сүни ојнаҝы сүмүјүн алтында идеал шәкилдә физиоложи олараг ујғун јерләшдирә билмирләр.
Буна ҝөрә дә, пасијентә јени сүни ојнағын ујғунлашмасына вә баш верә биләҹәк ағырлашмаларын гаршысынын алынмасына јөнәлдилмиш комплекс реабилитасија тәдбирләри тәјин олунур.
Хүсуси гејд етмәлијик ендопротезләшдирмә, бағларын бәрпасы вә мениск әмәлијјатларындан сонра биринҹи һәфтәдән башланылараг апарылан физики реабилитасијанын ојнағын ҝәләҹәк бәрпасынын сүрәтинә вә еффективлијинә чох мүһүм тәсирини. Физики реабилитасија диз ојнағындан травма алмыш шәхсләрдә илкин олараг фәрди тибби мәшгләрлә башланылыр.
Физики һәрәкәтләр ојнагда зәдәләнмиш наһијәдә ган дөвраныны стимулә едәрәк јахшылашдырыр ки, бу да оз нөвбәсиндә реҝенерасијаны сүрәтләндирир вә јерли иммунитети ҝүҹләндирир.
Бу ҹүр пасијентләр физики мәшғәләләри мүхтәлиф шәкилдә јеринә јетирирләр:
- әмәлијјат олунмуш ајагда буд әзәләләрини изометрик ҝәрҝинләшдирәрәк;
- әмәлијјат олунмуш ајагда јүнҝүл шәкилдә динамик мәшгләр едәрәк;
- дүз сәтһ үзәриндә мүалиҹәви јеримә мәшгләрилә;
- Үмуми олараг әмәк габилијјәтинин бәрпасы вә јахшылашдырылмасы үчүн, тәкҹә әмәлијјат олунмуш ајаг дејил, ејни заманда демәк олар ки бәдәнин бүтүн әзәләләринин үмүми инкишафына јөнәлдилмиш һәрәкәтләр сечилир.
Фәрди тибби мәшгләр, илк бир нечә ҝүн 20-30 дәгигәдән артыг олмајан мүддәтдә вә әмәлијјат олунмуш наһијәнин минимал јүкләнмәсилә апарылыр.
Еркән әмәлијјатдан сонракы дөврдә реабилитасија мәгсәдилә һәмчинин мануал терапија ( масаж, мануал лимфодренаж), физиотерапевтик аваданлыгларла проседуралар( мәс: будун дөрдбашлы әзәләсинин електростимулјасијасы) тәтбиг олунур.
Ултра-сәс терапијасынын да әмәлијјат олунмуш ојнагда микросиркулјасијаны ҝүҹләндирдији, шиши азалтдығы вә ағрыны арадан ҝөтүрдүјү исбат олунмушдур.
Бәрпа мүддәти 6-8 һәфтә чәкир вә реабилитасија планы ашағыдакы мәгсәдләри дашыјыр:
- оптимал һәрәки стереотипинин бәрпасы вә физики јүкләнмәјә дөзүмлүлүјүн артырылмасы;
- сағры, буд вә балдыр наһијәси әзәләләринин дөзүмлүлүјүнүн артырылмасы;
- үмуми әмәк габилијјәтинин бәрпасы;
- диз ојнағынын һәрәкәтлилијинин бәрпасы;
Берпа – мәшг дөврү нөвбәти мәгсәдләр ортаја гојулур:
- үмуми вә хүсуси идман һазырлылығынын бәрпасы;
- садә мәшг јүкләнмәсинә ујғунлашма;
- әзәлә дөзүмлүлүјүнүн мәшги;
Бу етапда реабилитасија методларындан фәрди тибби мәшг, мануал терапија вә физиотерапевтик аваданлигларла терапија истифадә олунур.
Бәрпа - мәшг дөврүндә истифадә олунан масаж вә мануал терапија ојнағын һәрәкәт амплитудасынын артмасына ,әзәләләр ҝүҹләнмәсинә вә әзәлә дисбалансынын арадан галдырылмасына чох еффектив тәсир ҝөстәрир.
Бу дөврдә ејни заманда физиотерапевтик аваданлыгларла терапија методларындан електрофорез, фәргли дәрман препаратлары илә фонофорез, лазер терапијасы, әзәләләрин електро стимулјасијасы истифадә олунур.
Диггәт: Хәбәрдән истифадә етдикдә мәнбәјә истинад лазымдыр
