Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, БМТ вә дүнја иҹтимаијјәтинин Гүдсү Фәләстин торпаглары танымасына бахмајараг, ишғалчы режим Кнессетиндә верилән гәрарла Гүдс шәһәри ваһид бир шәһәр вә Исраилә аид шәһәр кими елан олунуб.
Ишғалчы режим баш назири Бинјамин Нетанјаһунун лидери олдуғу Ликуд партијасынын Мәркәзи Комитәси дә өтән ҝеҹә ишғал алтындакы Фәләстин торпағы Иордан чајынын гәрб саһилиндәки ганунсуз јәһуди јашајыш мәнтәгәләринин Исраилә илһаг едилмәсини нәзәрдә тутан ганун лајиһәсини гәбул едиб.
Исраил мәҹлисиндә (Кнессет) тәгдим едилән лајиһәләр гануни гүввәјә минмәси үчүн үч фәргли иҹласда мүзакирәјә чыхарылараг тәсдигләнмәлидир.
Гејд едәк ки, Шәрги Гүдс вә гәрби шәријә 1967-ҹи илдән ишғалчы режим Исраил тәрәфиндән гәсб едилиб. Инша етдији диварла бу ики бөләҝини бир-бириндән ајыран Исраил, Гәрби шәријәдә јашајан фәләстинлиләрин шәрги Гүдсә кечишинә манеә јарадыр.
Ишғал алтында олан Шәрги Гүдсдә 200-дән чох јәһуди мәскунлашма мәнтәгәси салынб. Гәрби шәријәдә исә 400-дән чох јәһуди мәскунлашма мәнтәгәси салыныб. Бејнәлхалг ганунлара ҝөрә, бу бөлҝәләрдә олан бүтүн јәһуди јашајыш мәнтәгәләри "ганунсуз" сајылыр.
Диггәт: Хәбәрдән истифадә етдикдә мәнбәјә истинад лазымдыр
